ලිංගික සංසේචනයකින් තොරව වර්ගයා බෝකිරීමට හැකි සත්ව විශේෂය (Video)
Tuesday, 23 November 2021 - 14:44 | Views - 1,074
උග්ර වඳවීමේ තර්ජනයට ලක්වූ සත්ත්ව විශේෂයක් වන කොමඩෝ ඩ්රැගන් සත්ත්වයින්ට ලිංගික සංසේචනයකින් තොරව වර්ගයා බෝකිරීමට හැකි බවට නවතම පර්යේෂණවලින් අනාවරණ වී තිබෙනවා.ඉන්දුනීසියාවේ කොමෝඩෝ දූපත් නිජබිම කරගත් මෙම සත්ත්වයා සැලකෙන්නේ ලොව විශාලතම කටුසු විශේෂය ලෙසයි.ඩ්රැගන් යන නාමයෙන් හඳුන්වන මෙම සත්ත්වයා අතිශය භයානකවන්නේ, මෙම සත්වයාගේ මුඛයේ පවතින විෂ ශ්රාවයන් හේතුවෙන්.මෙම විෂ මිනිස් ශරීරයට ඇතුළු වුවහොත් පැය දෙකක් වැනි කෙටි කාලයකදී ශරීරය අඩ පණ වී ජීවිතක්ෂයට පත්වනවා.දැනට වඳවීමේ තර්ජනයට ලක්ව ඇති මෙම සත්ත්වයින් ලොව පුරා වෙසෙන්නේ 500ක් වැනි ප්රමාණයක්.මෙම කොමඩෝ ඩ්රැගන් සත්ත්වයා වඳවීමේ තර්ජනයට ලක්ව සිටින බැවින් රතු දත්ත වාර්තා පොතට ඇතුළත් කර තිබෙනවා.
Share This Article