මත් වී හැසිරුණු මන්ත්රීවරයෙකු ලයිට් කනුවක බැඳ දමයි
Monday, 22 November 2021 - 10:07 | Views - 5,786
මත්පැන් පානය කොට ගල්පාත ප්රදේශයේ අශෝබන ලෙස ප්රදේශවාසීන්ට හිරිහැර වන පරිදි හැසුරුණු ප්රාදේශීය සභා මන්ත්රීවරයෙක් ප්රදේශවාසීන් විසින් ලයිට් කනුවක බැඳ තබා කළුතර උතුර පොලීසියට බාර දී තිබෙනවා.මොහු පානදුර ප්රාදේශීය සභාවේ ශ්රී ලංකා පොදුජන පෙරමුණ නියෝජනය කරන, මන්ත්රීවරයකු බව පොලිසිය සඳහන් කළා.මන්ත්රීවරයා , තවත් පිරිසක් සමග ගල්පාත ප්රදේශයට පැමිණ මත්පැන් පානය කොට ඇති අතර පිරිසෙන් මගහැරුණු මන්ත්රීවරයා ගල්පාත, බහුරුපොල ප්රදේශයේ ප්රදේශවාසීන්ට හිරිහැර වන පරිදි අශෝභන ලෙස හැසිරී තිබෙනවා. ඒ අනුව ප්රදේශවාසීන් පිරිසක් එක්ව මොහුව කොහු ලණු කැරලි කීපයක් ගෙන අසල ඇති විදුලි කණුවක බැඳ දමා පොලිස් හදිසි ඇමතුම් අංශයට කතා කර මොහුව පොලිසියට බාර දී තිබෙනවා.සැකකාර මන්ත්රීවරයාව නාගොඩ රෝහලේ වෛද්යවරයකු හමුවට ඉදිරිපත් කර ඇති අතර , සිදුකළ පරීක්ෂණවලදී ඔහු මත්පැන් පානය කොට සිටි බවට තහවුරුවූ ඇති බව අප පොලිසිය සඳහන් කළා.සැකකරු අද (22) කළුතර මහේස්ත්රාත් අධිකරණයට ඉදිරිපත් කිරීමට නියමිතයි.
Share This Article