තුවාල ලැබූ කෙනාගේ දැන් තත්ත්වය
අලුත්ම ආරංචිය මෙන්න..
එංගලන්තයේ ලන්ඩන් නුවර, බෙක්ස්ලිහීත් ප්රදේශයේ නිවසක ඇති වූ ගින්නකින් එක ම පවුලේ ශ්රී ලාංකිකයින් සිව් දෙනෙකු මියගොස් ඇතැයි විදෙස් මාධ්ය වාර්තා කළා.
මෙලෙස මිය ගොස් ඇත්තේ වයස අවුරුදු එකක දැරියක, අවුරුදු හතරක පිරිමි දරුවෙකු, ඔවුන්ගේ මව සහ ඇගේ නැන්දණිය යැයි විශ්වාස කරන කාන්තාවක බව විදෙස් මාධ්ය සඳහන් කර තිබෙනවා.
එම පවුලේ තවත් පිරිමි පුද්ගලයෙකු ජනේලයකින් පැන, ගින්නෙන් දිවි ගලවා ගෙන ඇති අතර ඉන් ඔහුගේ දෙපාවලට දැඩි හානි සිදුව ඇති බවයි වාර්තා වන්නේ.
මෙම පවුල ශ්රී ලංකාවේ සිට මාස තුනකට පමණ පෙර අදාළ නිවසේ පදිංචියට ගොස් ඇති බව පවුලේ ඥාතීන් පැවසූ බව එරට මාධ්ය සඳහන් කරනවා.
එමෙන්ම, දිවි බේරාගෙන ඇති පුද්ගලයා මිය ගිය දරුවන්ගේ මවගේ ඥාති සොහොයුරෙකු බව ත් ඔහුගේ තත්ත්වය මේ වන විට බරපතළ නොවන බව ත් මාධ්ය වාර්තා වල දැක්වෙනවා.
එරට මාධ්ය පවසන්නේ, ගින්න ඇති වන අවස්ථාවේදී මිය ගිය දරුවන්ගේ පියා නිවසේ සිට නොමැති බව යි.
ගින්න නිවීම සඳහා එරට ගිනි නිවන රථ හයක් සහ ගිනි නිවන භටයන් 40 දෙනෙකු පමණ කටයුතු කර තිබෙනවා.