ජීවන වියදම ඉහළ යාම ඇතුළු කරුණු කිහිපයක් මුල් කරගනිමින් සමගි ජනබලවේගය සංවිධාන කර ඇති විරෝධතා ව්යාපාරය හේතුවෙන් කොළඹ මාකස් ප්රනාන්දු මාවත, නෙළුම් පොකුණ සහ කොල්ලුපිටිය අවට ඇතුළු මාර්ග කිහිපයක දැඩි රථ වාහන තදබදයක් හට ගෙන තිබෙනවා.
හිරු වාර්තාකරුවන් සඳහන් කලේ මීට ටික වේලාවකට පෙර විපක්ෂ නායක කාර්යාලය අසලින් එම විරෝධතාව ආරම්භ වූ බවයි.
කෙසේ වෙතත්, මෙම විරෝධතා තහනම් කරන්නැයි ඉල්ලා පොලීසිය අධිකරණ කිහිපයකින් නියෝග ඉල්ලා සිටි අතර, බොහෝ අධිකරණ එම ඉල්ලීම් ඊයේ (15) ප්රතික්ෂේප කළ අතර, ඇතැම් අධිකරණ පොලිසිය කරනු ලැබූ ඉල්ලීම පිළිගෙන විරෝධතා පැවැත්වීම තහනම් කර තිබුණා.
මේ අතර, සමගි ජන බලවේගය කොළඹදී ආරම්භ කර ඇති විරෝධතාවය පාලනය කිරීම සඳහා සියලු පොලිස් ස්ථාන වෙත උපදෙස් ලබා දී ඇති බව පොලිස් මූලස්ථානය පවසනවා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව සඳහන් කළේ පොලීසියේ රාජකාරියට බාධා කරන පුද්ගලයන්ට එරෙහිව නීතිය දැඩි ලෙස ක්රියාත්මක කරන බවයි.