රටපුරා පසුගිය වසර දහයේදී සිදුවූ රිය අනතුරුවලින් පුද්ගලයන් විසි හත් දහසකගේ (27,000) ජීවිත අහිමිවී ඇතැයි මහජන ආරක්ෂක අමාත්ය විශ්රාමික රියාර් අද්මිරාල් සරත් වීරසේකර පවසනවා.
මේ වසරේ මේ දක්වා සිදු වූ රිය අනතුරුවලින් පුද්ගලයන් 1948 දෙනකුගේ ජීවිත අහිමිවී ඇතැයිද ඔහු වැඩිදුරටත් සඳහන් කළා.
මාර්ග විනය සම්බන්ධයෙන් රියදුරන්ට විශේෂ පුහුණුවක් ලබාදීම සඳහා විශේෂ වැඩපිළිවෙලක් ඉදිරියේදී ක්රියාත්මක කරන බව පැවසූ ඇමතිවරයා දඩගෙවීමේ ක්රමවේදයේ පවතින දුර්වලතා මගහරවා ගැනීමට ක්ෂණික දඩ මුදල් ගෙවීමේ ක්රමයක් හා රියදුරු කුසලතා ලකුණු කිරීමේ ක්රමයක් නුදුරේදීම හදුන්වා දෙන බවත් මෙහිදී සඳහන් කළා.
රියදුරන් දැනුවත් කිරීමේ පළමු පියවර ලෙස අන්තර් පළාත් බස් රථ රියදුරන්ට දෙසතියක පුහුණුවක් ලබා දීමේ වැඩපිළිවෙල ඉදිරියේදී ආරම්භකරන බවද මෙහිදී සඳහන් වුණා.