සැමියාගේ පහරකෑමට ලක්වූ බිරිඳක් එම ස්ථානයේදීම ජීවිතක්ෂයට පත් වී තිබෙනවා. කෙසේ වෙතත් සැකකාර සැමියා මේ වන විට ඔවුන්ගේ දරුවාද රැගෙන පලාගොස් ඇති බවටයි වැඩිදුරටත් සඳහන් වන්නේ.
මෙලෙස මියගොස් ඇත්තේ මාලිම්බඩ උතුර පදිංචි ඇඟලූම් කම්හලක සේවයේ නියුතුව සිටි 33 හැවිරිදි එක්දරු මවක් වන හර්ෂා නිශානි කළුආරච්චි නැමැති අයෙක් බවයි සඳහන්.
මොරවක ප්රදේශයේ පුද්ගලයකු වන 37 හැවිරිදි සැකකාර සැමියා පෙරේදා(09) දින රාත්රී සිය බිරිඳ සහ නැන්දම්මා සමඟ බහින්බස්වීමක් ඇතිවී එය දුරදිග යෑමෙන් මොහු බිරිඳට සහ නැන්දම්මාට පොල්ලකින් පහර දී ඇති බව මූලික පොලිස් පරීක්ෂණවල දී අනාවරණය වී තිබෙනවා.
මියගොස් ඇති කාන්තාවගේ සැකකාර සැමියා මෙම සිද්ධියෙන් අනතුරුව අවුරුදු 02 ක් වයසැති ඔවුන්ගේ දරුවාද රැගෙන නිවසින් පලාගොස් ඇති බව පොලිසිය වැඩිදුරටත් සඳහන් කළා. පහරකෑමෙන් දැඩි ලෙස තුවාල ලබා ඇති මියගිය බිරිඳගේ මව මේ වනවිට රෝහල්ගත කර තිබෙන බවත් ,සැකකාර සැමියා අත්අඩංගුවට ගැනීම සඳහා විශේෂ පොලිස් කණ්ඩායම් කිහිපයක් ක්රියාත්මක බවත් වැඩිදුරටත් සඳහන්.