මූඩීස් ජාත්යන්තර ආයෝජන සේවාව මඟින් මෙරට ක්රයශක්ති වර්ගීකරණය පහත හෙළීම කාලානුරූප නොවන බව මහබැංකුව පවසනවා.
2022 අයවැය ප්රකාශයට පත් කිරීමට ආසන්නව සිටිද් දී එම පියවර ගැනීම රජයේ මූල්ය සැළසුම් වටහා ගැනීමෙන් තොරව සිදුකර ඇති බවයි එමඟින් නිකුත් කළ නිවේදනයක දැක්වෙන්නේ.
මූඩීස් ආයෝජන සේවාව මගින් මෙරට දිගුකාලීන විනිමය නිකුතු සහ ජ්යෙෂ්ඨ අනාරක්ෂිත ණය වර්ගීකරණය සී.ඒ.ඒ. එකේ සිට සී.ඒ.ඒ. දෙක දක්වා පහත හෙළනු ලැබුවා.
ඒ සඳහා මූඩීස් ආයතනය සළකා බලා ඇත්තේ මෙරට කල්පිරෙන විදේශ විනිමය බැඳුම්කර සහ විදේශ විනිමය සංචිත පහත වැටීමයි.
කෙසේ නමුත් මෙහිදී මෙරට සුභවාදී වර්ධනයන් සැළකිල්ලට ගෙන නොමැති බව මහ බැංකුවේ අදහසයි.
එමෙන්ම එමඟින් නැඟී එන වෙළඳපොළවල ධනාත්මක වර්ධනයන් සහ අපේක්ෂාවන් සිතාමතාම නොසලකා හරිමින් ඍණාත්මක අවදානම් හුවා දැක්වීමට කටයුතු කරන බව ද මහ බැංකුව පෙන්වා දෙනවා.
එය, අදාළ ආයෝජන සේවා සමාගම්වල බරපතල පාලන දුර්වලතා පිළිබිඹු කරන බවයි මහ බැංකුව නිකුත් කළ නිවේදනයේ වැඩිදුරටත් දැක්වෙන්නේ.