වාර ප්‍රවේශ පත්‍රය හිමි මඟීන්ට නොවැම්බර් 01 වන දා සිට දුම්රියේ ගමන් කළ හැකියි
Friday, 22 October 2021 - 15:57 | Views - 427
පළාත් ඇතුළත දුම්රිය ධාවනය ලබන සඳුදා (25) සිට ආරම්භ කෙරෙනවා.

පළාත් අතර දුම්රිය ධාවනය නොවැම්බර් 01 වන දා සිට ක්‍රියාත්මක කෙරෙන අතර දුම්රිය වාර ප්‍රවේශ පත්‍රය හිමි මගීන්ට පමණක් පළමු අදියර යටතේ ගමනාගමනයට අවසර දීමටයි කොවිඩ් කමිටුව නිර්දේශ කර ඇත්තේ.

අමතර මැදිරි එක්කර දැඩි තදබදය අවම කිරීමට කටයුතු කරන ලෙස ජනාධිපතිවරයා විසින් උපදෙස් දී තිබෙනවා.

අද (22) පෙරවරුවේ කොවිඩ් මර්දන විශේෂ කමිටුව සමග වීඩියෝ තාක්ෂණය ඔස්සේ පැවති රැස්වීමේදී ජනාධිපතිවරයා විසින් මේ බව සඳහන් කළ බවයි ජනාධිපති මාධ්‍ය අංශය කියාසිටියේ.

මේ අතර කොරෝනා වසංගතය හේතුවෙන් නැවතී තිබූ මගී දුම්රිය සේවය නැවත ආරම්භ කිරීමට මේ වනවිට සියලු කටයුතු සූදානම් බවයි  ප්‍රවාහන අමාත්‍යාංශය ප්‍රකාශ කළේ.

ඒ අනුව, ඔක්තෝම්බර් 25 වනදා සිට බස්නාහිර පළාත තුල දුම්රිය සේවය යළි ආරම්භ වන අතර නොවැම්බර් පළවනදා සිට අන්තර් පළාත් දුම්රිය ධාවනය ආරම්භ කරනවා.

එහිදී ප්‍රධාන මාර්ගයේ දුම්රිය ගමන්වාර 50 ක්, මුහුදු බඩ මාර්ගයේ දුම්රිය ගමන් වාර 64 ක්, උතුරු මාර්ගයේ දුම්රිය ගමන්වාර 6 ක්, පුත්තලම මාර්ගයේ දුම්රිය ගමන්වාර 18ක් සහ කැළණිවැලි මාර්ගයේ දුම්රිය ගමන්වාර 8ක් ධාවනය කිරීමටයි සැලසුම් කර ඇත්තේ.

ජනතා ඉල්ලීම් සැලකිල්ලට ගෙන දැනට ක්‍රියාත්මක පළාත් සංචරණ සීමා නොවැම්බර් 01 වන දා සිට ඉවත් කිරීම කෙරෙහි ද අද පැවති කොවිඩ් මර්දන විශේෂ කමිටු රැස්වීමේදී අවධානය යොමු කෙරුණා.

මුව ආවරණ පැළදීම, අත් සේදීම, දුරස්ථභාවය තබා ගැනීම ඇතුළු  සෞඛ්‍ය නිර්දේශ පිළිපැදිමට ජනතාව අඛණ්ඩව දැනුවත් කිරීම සහ ප්‍රතිශක්තීකරණය සඳහා දේශීය ඖෂධ සහ කැඳ වර්ග භාවිතයට ජනතාව පෙළඹවීම කළ යුතු බවයි ජනාධිපතිවරයා කියාසිටියේ.

මේ අතර නාරාහේන්පිට සහ බත්තරමුල්ල දක්වා ප්‍රදේශ කිහිපයක සිට කාර්යාල ආරම්භ කරන හා අවසන් කරන වේලාවන්වලදී අන්තර් පළාත් බස් රථයක් බැගින් ධාවනයට යෙදවීමට ජාතික ගමනාගමන කොමිෂන් සභාව තීරණය කර තිබෙනවා.

ඒ අනුව, ගාල්ල, මහනුවර, කුරුණෑගල, රත්නපුර, හලාවත සහ රත්නපුර සිට මෙලෙස සාමාන්‍ය සේවා බස් රථය බැගින් යෙදවීමටයි තීරණය වී ඇත්තේ.

දැනට ජාතික ගමනාගමන කොමිෂන් සභාව මගින් නිකුත් කර වලංගුව පවතින මගී සේවා අවසර හිමි ධාවකයින්ට ඒ සඳහා ඉල්ලුම් කිරීමට හැකියාව පවතින බවද ජාතික ගමනාගමන කොමිෂන් සභාව වැඩිදුරටත් සඳහන් කළා.
 
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top