80 දශකයේ සිට දසක හතරකට ආසන්න කාලයක් මාධ්යවේදියෙකු ලෙස කටයුතු කළ ජ්යෙෂ්ඨ මාධ්යවේදී වසන්ත ප්රිය රාමනායක දිවියෙන් සමුගෙන තිබෙනවා.
මිය යන විට 67 වන වියේ පසු වූ එතුමා දෙදරු පියෙකි.
'පෙරමඟ' සඟරාවේ මාණ්ඩලික ලේඛකයෙකු ලෙස සිය මාධ්ය ජීවිතය ඇරඹූ වසන්ත රාමනායක, පසුව දෙසතිය' සඟරාවේ ප්රධාන සංස්කාරක ලෙස ද කටයුතු කර තිබුණා.
පසුව රජයේ ප්රවෘත්ති දෙපාර්තමේන්තුවේ අධ්යක්ෂකවරයෙකු ලෙස ද හිටපු ජනපති මෛත්රිපාල සිරිසේනගේ මාධ්ය අධ්යක්ෂ ධුරයේද ඔහු කටයුතු කළ අයෙක්.
කෙටි කලක් ලේක්හවුස් ආයතනයේ සභාපති ධූරය හෙබවූ රාමනායක, ප්රවීණ දේශපාලන විචාරකයෙකු ලෙස ද ප්රකට වී සිටියා.
ආසියානු කලාපයේ මාධ්යවේදීන් හා සාහිත්යධරයන් අතර පුළුල් සබඳතාවයක් ඇති කිරීම අරමුණෙන් 2015 දි ඇරඹූ ආසියානු මාධ්ය හා සංස්කෘතික සංගමයේ (AMCA ) පුරෝගාමියා වන්නේ ද වසන්ත රාමනායක යි.
වසන්ත ප්රිය රාමනායක ගාල්ල විද්යාලෝක විද්යාලීය ආදි ශිෂ්යයෙකි.
මෙසේ යුග මෙහෙවරක් අවසානයේ දිවි සැරිය නිම කළ ප්රවීණ මාධ්යවේදි වසන්ත ප්රිය රාමනායකගේ අවසන් කටයුතු හෙට (15) ප.ව. 3.00 ට බොරැල්ල සුසාන භූමියේදී සිදු කිරීමට නියමිතයි.