රට විවෘත කිරීම ගැන නිර්දේශ ඉදිරිපත් කරන්න - සියලු අංශවලට ජනපතිගෙන් දැනුම් දීමක්
Monday, 27 September 2021 - 14:00 | Views - 3,086
එළඹෙන ඔක්තෝම්බර් 01 වනදා රට විවෘත කිරීමේදී නිසි සෞඛ්‍යාරක්ෂිත ක්‍රමවේද ඔස්සේ එය සිදුකිරීමට අදාළ නිර්දේශ ඉදිරිපත් කරන ලෙසට ජනාධිපති ගෝඨාභය රාජපක්ෂ සියළු අංශ වෙත දැනුම් දී තිබෙනවා.

ඒ අනුව සෞඛ්‍ය, ප්‍රවාහන සහ අනෙකුත් ක්ෂේත්‍ර වෙතින් මෙම නිර්දේශ ලබාදීමට නියමිතව ඇති බවයි වාර්තා වන්නේ.

දැනට ක්‍රියාත්මක නිරෝධායන ඇදිරි නීතිය ලබන මස 01 වනදා අලුයම 4 දක්වා වීමට නියමිත අතර එය තවදුරටත් දීර්ඝ නොකිරීමට රජයේ අවධානය යොමුව තිබෙනවා.

කෙසේ වෙතත් නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් කොළඹ අද (27) පැවති මාධ්‍ය හමුවකදී රට විවෘත කිරීම සම්බන්ධයෙන් අදහස් දක්වමින් කියා සිටියේ රට යළි විවෘත කළ ද සෞඛ්‍ය මාර්ගෝපදේශ පිළිබඳව ජනතාවට දැඩි වගකීමක් පවතින බවයි.   

මේ අතර, කොරෝනා වසංගතය හේතුවෙන් පාසල් වසා දැමීමත් සමඟ තමන් මුහුණ පා ඇති ආර්ථික අපහසුතා පිළිබදව දැනුවත් කිරීම සඳහා සමස්ත ලංකා පාසල් ළමුන් ප්‍රවාහන සංගමය අද මුදල් අමාත්‍ය බැසිල් රාජපක්ෂ හමුවීමට නියමිතයි.   

එම සංගමයේ සභාපති මල්ශ්‍රී ද සිල්වා කියා සිටියේ ණය වාරික ගෙවීම සඳහා සහන කාලයක් ලබාදෙන ලෙස මෙහිදී ඉල්ලා සිටීමට තමන් අපේක්ෂා කරන බවයි.

නිධන්ගත රෝගවලින් පෙළෙන සහ විශේෂ අවශ්‍යතා සහිත අවුරුදු 12ට වැඩි දරුවන් එන්නත් කිරීමේ කටයුතු බස්නාහිර පළාතේ සියළු ප්‍රධාන රෝහල්වල අද ආරම්භ කෙරුණා. ඒ අනුව රෝහල් 13කදී ෆයිසර් එන්නත ලබාදීම සිදුකෙරෙනවා.

ළමයින් සඳහා සිදුකරන එන්නත්කරණ ක්‍රියාවලියේදී මේ දක්වා කිසිදු සංකූලතා වාර්තා වී නොමැති බවයි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් කියා වැඩිදුරටත් කියා සිටියා.

මේ අතර, ෆයිසර් එන්නත් මාත්‍රා 31,590 ක් අද (27) අලුයම දිවයිනට රැගෙනවිත් තිබෙනවා.

කටාර් ගුවන් සේවයට අයත් යානයකින් අදාළ එන්නත් තොගය මෙරටට රැගෙනවිත් ඇති අතර, ඒවා කොළඹ පිහිටි මධ්‍යම එන්නත් ගබඩාව වෙත රැගෙන ගොස් ඇති බව සඳහන්.


 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top