නිරෝධායන ඇඳිරි නීතිය දීර්ඝ කෙරේ (Video)
Friday, 17 September 2021 - 11:47 | Views - 9,827
රටපුරා ශීඝ්‍රයෙන් පැතිර යන කොවිඩ් 19 වෛරස පාලනය සඳහා මේ වනවිට රට තුළ ක්‍රියාත්මක කෙරෙන දැඩි සංචරණ සීමා සහිත නිරෝධායන ඇඳිරි නීතිය ඔක්තෝම්බර් මස පළමු සිකුරාදා අලුයම 4 දකවා තවදුරටත් දීර්ඝ කෙරෙන බව ජනාධිපති මාධ්‍ය අංශය පවසනවා.

මේ අතර ඊයේ දිනයේ මෙරටින් නව ආසාදිතයින් 2,271 දෙනෙකු හඳුනාගෙන ඇති අතර, වාර්තා වී ඇති මරණ සංඛ්‍යාව 118ක්.

කොරෝනා ව්‍යාප්තිය ඉහළ යෑමත් සමඟ නිරෝධායන ඇඳිරි නීතිය ඉකුත් අගෝස්තු 18 වනි දා රාත්‍රී 10 සිට දිවයිනට ම බලපැවැත්වෙන පරිදි පනවනු ලැබූ අතර, එය අවස්ථා කිහිපයක දී දීර්ඝ කරනු ලැබුවා.

මේ අතර නව කොරෝනා ආසාදිතයින් 2,271 දෙනෙකු ඊයේ හඳුනාගැනීමත් සමඟ මෙරට සමස්ත ආසාදිතයින් සංඛ්‍යාව 498,694 ක් දක්වා ඉහළ ගියා.

ඒ අනුව මෙරට සක්‍රිය ආසාදිතයන් සංඛ්‍යාව 58,287ක් වෙන අතර, සුවය ලැබූ මුළු සංඛ්‍යා 428,590ක්.

එමෙන්ම සෞඛ්‍ය සේවා අධ්‍යක්ෂ ජනරාල්වරයා විසින් පෙරේදා සිදු වූ බවට ඊයේ තහවුරු කරන ලද කොරෝනා මරණ 118ත් සමඟ මෙරට සමස්ත මරණ සංඛ්‍යාව 11,817ක් දක්වා ඉහළ ගියා.

වඳුරඹ පොලිසියේ ස්ථානාධිපතිවරයා ඇතුළු නිලධාරින් අට දෙනෙකු සඳහා සිදු කරන ලද කොරෝනා පරීක්ෂාවේ දී ඔවුන් අසාදිතයින් ලෙස තහවුරු කරගෙන තිබුණා.

මේ අතර වයස අවුරුදු 12ට වැඩි දීර්ඝකාලීන රෝගාබාධවලින් පෙළෙන ළමයින් එන්නත්කරණයට ලක් කිරීමට නිර්දේශ ලබාදුන් ශ්‍රී ලංකා ළමා රෝග විශේෂඥ වෛද්‍යවරුන්ගේ විද්වත් සංසදයේ සභාපති මහාචාර්ය ශාමන් රාජින්ද්‍රජිත් හිරු ප්‍රවෘත්ති අංශයට අදහස් දක්වමින් කියා සිටියේ, විශේෂඥ වෛද්‍යවරුන්ගේ අධීක්ෂණය යටතේ රෝහල්වල දී එම එන්නත්කරණය සිදු කළ යුතු බවයි.

එමෙන්ම චීනයේ නිෂ්පාදිත සිනොවැක් කොවිඩ් මර්දන එන්නත් මාත්‍රා මිලියනයක් මෙරටට පරිත්‍යාග කිරීමට එරට රජය තීරණය කර තිබෙනවා.

ශ්‍රී ලංකාවේ එන්නත්කරණ ක්‍රියාවලිය තවදුරටත් පුළුල් කිරීම සඳහා එම එන්නත් තොගය මෙරටට පරිත්‍යාග කරන බවයි ශ්‍රී ලංකාවේ චීන තානාපති කාර්යාලය නිවේදනය කළේ.

සිනොවැක් යනු ලොව මෙතෙක් වැඩියෙන් භාවිත කර ඇති කොවිඩ් මර්දන එන්නත වන අතර, අගෝස්තු අවසානය වෙනවිට රටවල් පණහකට පමණ මාත්‍රා බිලියන 1.8ක් සපයා ඇති අතර, ඉන් බිලියන 1.4ක් එන්තත්කරණය කර ඇති බවයි එම නිවේදනයේ දැක්වෙන්නේ.
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top