කාන්තාවන් අලෙවි කළ තවත් වෙබ් අඩවියක් අල්ලයි
Friday, 17 September 2021 - 10:34 | Views - 2,689
වෙබ් අඩවියක් මඟින් කාන්තාවන් ලිංගික කටයුතු සඳහා අලෙවි කළ තවත් පුද්ගලයෙකු රත්නපුර - කලවාන ප්රදේශයේ දී අත්අඩංගුවට ගෙන තිබෙනවා.
පොලිස් මාධ්ය ප්රකාශක ජ්යේෂ්ඨ පොලිස් අධිකාරී නිහාල් තල්දූව ප්රකාශ කළේ අපරාධ පරීක්ෂණ දෙපාර්තමේන්තුවේ නිලධාරීන් විසින් ඊයේ අදාළ පුද්ගලයා අත්අඩංගුවට ගත් බවයි.
15 හැවිරිදි දැරියක් වෙබ් අඩවියක් හරහා අලෙවි කිරීමේ සිද්ධියක් මීට පෙර වාර්තා වූ අතර, ඒ අනුව සිදු කරන ලද විමර්ශනවලදී යි මෙම වෙබ් අඩවිය පවත්වාගෙන ගිය පුද්ගලයා ද අත්අඩංගුවට ගැනුණේ.
15 හැවිරිදි දැරියගේ සිද්ධියට අදාළ ව මේ වෙනවිට පුද්ගලයින් 46 දෙනෙකු පමණ අත්අඩංගුවට ගෙන තිබෙනවා.
Share This Article