ලබන සතියේ රට විවෘත කිරීම ගැන ඉඟියක් (Video)
Tuesday, 14 September 2021 - 13:56 | Views - 13,805
සති 4කට පැනවූ නිරෝධායන ඇඳිරිනීතිය හේතුවෙන් මෙරට කොවිඩ් මරණ සහ ආසාදිතයින් වාර්තාවීම පහළ යමින් පවතින බව රාජ්‍ය අමාත්‍ය විශේෂඳ වෛද්‍ය සුදර්ශණී ප්‍රනාන්දුපුල්ලේ ප්‍රකාශ කළා.

ඒ අනුව ලබන සඳුදා සිට රට ක්‍රමානුකූලව විවෘත කළ හැකි බවයි ඇය කියා සිටියේ.

සීදූව සෞඛ්‍ය වෛද්‍ය නිලධාරී කාර්යාලයට අද පෙරවරුවේ පැමිණි රාජ්‍ය අමාත්‍ය විශේෂඥ වෛද්‍ය සුදර්ශණී ප්‍රනාන්දුපුල්ලේගෙන් මාධ්‍යවේදීන් රට විවෘත කිරීම සම්බන්ධයෙන් සිදුකළ ප්‍රශ්න කිරීමකදියි ඇය මේ බව කියා සිටියේ.

එන්නත් මාත්‍රා දෙකම ලබාගෙන නොමැති මන්නාරමේ වැසියන්ට හෙට සිට මුහුදු යාමට හෝ පොදු ස්ථානවල ගැවසීම තහනම් කිරීමට කටයුතු කර ඇති බව මන්නාරම සෞඛ්‍ය සේවා අධ්‍යක්ෂ එස්. විනෝදන් ප්‍රකාශ කළා.

මන්නාරමේ ඊයේ පැවති කොවිඩ් කමිටු රැස්වීමේදී මෙම තීරණය ගෙන ඇති අතර, පොලිස් මුර පොළවල් සහ ධීවර තොටුපලවල්වලදී එන්නත් කාඩ්පත් පරීක්ෂා කිරීමටයි තීරණය කර ඇත්තේ.

මන්නාරම් වැසියන් හා ඉන්දීය ජාතිකයන් අතර සබඳතා ඉහළ යාමද මෙම තීරණයට හේතු වී තිබෙනවා.

මෙරට කොරෝනා ප්‍රතිශක්තිකරණ වැඩසටහනට අදාළව ඊයේ පුද්ගලයින් 147,114 දෙනෙකුට එන්නත් ලබාදී තිබෙනවා.

ඒ අනුව සයිනොෆාම් එන්නතේ දෙවන මාත්‍රාව පුද්ගලයින් 88,700 දෙනෙකුට ලබාදී ඇති අතර, එහි පළමු මාත්‍රාව ලබාදී ඇති සංඛ්‍යාව 51,798 ක්.

එමෙන්ම ඊයේ ෆයිසර් එන්නතේ පළමු මාත්‍රාව 353 දෙනෙකුටත්, එහි දෙවන මාත්‍රාව 385 දෙනෙකුටත් ලබාදී තිබෙනවා.

මොඩර්නා එන්නතේ පළමු මාත්‍රාව 30 දෙනෙකුටත්, දෙවන මාත්‍රාවද 1,815 දෙනෙකුටත් ලබාදී ඇති බවයි වසංගත රෝග විද්‍යා අංශය සඳහන් කළේ.

ඇස්ට්‍රාසෙනෙකා එන්නතේ පළමු මාත්‍රාව ඊයේ දිනයේ 3,194 දෙනෙකුට ලබාදී ඇති අතර, දෙවන මාත්‍රාව 839 දෙනෙකුට ලබාදී තිබෙනවා.

ඒ අනුව මේ දක්වා දෙවන මාත්‍රාවද ලබාදී එන්නත්කරණය සම්පූර්ණ කළ මෙරට පුද්ගලයන් සංඛ්‍යාව  එක්කෝටි 672,627 ක්.

මේ අතර හිටපු කෙටිධුර ධාවන ශූරී සුසන්තිකා ජයසිංහට කොරෝනා ආසාදනය වී ඇති බව වාර්තා වනවා.

අසනීප තත්වයක් හේතුවෙන් සිදුකළ කොරෝනා පරීක්ෂණයකදීයි මේ බව අනාවරණය වී ඇත්තේ.

ඒ අනුව ඇයගේ දරුවන් දෙදෙනාට ද කොරෝනා ආසාදනය වී ඇති බවයි අප කළ විමසීමකදී ඇය සදහන් කළේ.

එසේම ඌව පළාත් සභාව මඟින් පාලනය වන බණ්ඩාරවෙල ප්‍රදේශයේ ළමා නිවාසයක ළමයින් බලා ගන්නා කාන්තාවන් දෙදෙනෙකුට කොරෝනා ආසාදනය වී තිබෙනවා.

ඒ අනුව ළමා නිවාසයේ සියළුම දරුවන් අද හදිසි කොරෝනා පරීක්ෂණයකට ලක් කිරීමටයි නියමිතව ඇත්තේ.

වයස අවුරුදු 5ට අඩු දරුවන් 35 දෙනෙකු එම ළමා නිවාසයේ සිටින බවයි වාර්තා වන්නේ.

මුව ආවරණ පළඳින ලෙසට උපදෙස් ලබාදීම හේතුවෙන් මහජන සෞඛ්‍ය පරීක්ෂකවරුන් දෙදෙනෙකුට පරුෂ වචනයෙන් බැණවැදී පහරදීමට උත්සාහ කළ පුද්ගලයෙකු පොලීසිය අත්අඩංගුවට ගෙන තිබෙනවා.

නෙළුව ප්‍රදේශයේ පසුගියදා පැවති අවමංගල්‍ය උත්සවයකදීයි මොහු මෙලෙස මහජන සෞඛ්‍ය පරීක්ෂකවරුන්ට බැණ වැදී ඇත්තේ.

පසුව සැකකරු නිළධාරීන්ට පොල්ලකින් ද පහරදීමට උත්සහ කර ඇති අතර, එහිදී එම ස්ථානයේ සිටි පිරිස එය ව්‍යර්ථ කර ඇති බවයි වාර්තා වන්නේ.

කෙසේ වෙතත් ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා ගුණරත්න කොළඹ අද කැඳවා තිබූ මාධ්‍ය හමුවකට එක්වෙමින් ප්‍රකාශ කළේ පවතින කොරෝනා රැල්ලේ අවධානම මෙතෙක් පහව ගොස් නොමැති බැවින් මෙම අවස්ථාවේ රට විවෘත කිරීම සම්බන්ධයෙන් සිතා බැලිය යුතු බවයි.
 
කෙසේ වෙතත් රට විවෘත කිරීම සම්බන්ධයෙන් ඉදිරි තීරණය කොවිඩ් මර්දන කාර්ය සාධක බලකායේ සාකච්ඡාවකින් අනතුරුව ගනු ලබන බවයි වැඩිදුරටත් සඳහන් වන්නේ.
 
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top