පාසැල් විවෘත කිරීම තවදුරටත් යෝග්‍ය නැහැ - සෞඛ්‍ය අමාත්‍යාංශය (Video)
Tuesday, 07 September 2021 - 15:16 | Views - 1,577
කොරෝනා රෝග මර්දනය පිළිබඳ සායනික කමිටුවෙන් ඉල්ලා අස්වීමේ තීරණය පිළිබඳ ව නැවත සලකා බලන්නැ යි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත්, විශේෂඥ වෛද්‍ය ආනන්ද විජේවික්‍රමගෙන් ඉල්ලීමක් කරනවා.

අද කොළඹ පැවති මාධ්‍ය හමුවකට එක්වෙමින් නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා මේ බව කියා සිටියේ, විශේෂඥ වෛද්‍ය ආනන්ද විජේවික්‍රම ඉවත්වීමේ තීරණය සම්බන්ධයෙන් මාධ්‍යවේදීන් නැගූ ප්‍රශ්නයකට පිළිතුරු ලබාදෙමින්.

මේ අතර, අද අමාත්‍ය මණ්ඩල තීරණ දැනුම්දීමේ මාධ්‍ය හමුවේදී ද මාධ්‍යවේදීන් විශේෂඥ වෛද්‍ය ආනන්ද විජේවික්‍රම ඉවත් වීම සම්බන්ධයෙන් ප්‍රශ්න කරනු ලැබුවා.

ගෙවුණු දිනයේ කොරෝනා ආසාදිතයින් 3,182 දෙනෙකු වාර්තා වූ අතර, ඉන් 09 දෙනෙක් විදේශගත ව සිට පැමිණි පුද්ගලයින්.

ඒ සමඟ මෙරට සමස්ත ආසාදිතයින් සංඛ්‍යාව හාරලක්ෂ 65,949ක් දක්වා ඉහළ ගියා.

මේ වනවිට රෝගීන් වාර්තා වීමේ යම් අඩුවක් දක්නට ලැබෙන බව යි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් තවදුරටත් එහි දී කියා සිටියේ.

පවතින තත්ත්වය අනුව පාසල් විවෘත කිරීමේ සූදානමක් නැති බව ද නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා මෙහි දී සඳහන් කළා.

මේ අතර, මෙරට කොරෝනා මර්දන එන්නත්කරණ වැඩසටහන යටතේ ගෙවුණු දිනයේ දී පළමු සහ දෙවැනි මාත්‍රා වශයෙන් ලබා දුන් එන්නත් මාත්‍රා ප්‍රමාණය 320,283ක්.

ඒ අනුව පළමු මාත්‍රාව වශයෙන් එන්නත් මාත්‍රා 93,174ක් සහ දෙවැනි මාත්‍රාව වශයෙන් එන්නත් මාත්‍රා 227,109ක් ලබා දී තිබෙනවා.

කොළඹ, ගම්පහ, කළුතර සහ ගාල්ල යන දිස්ත්‍රික්වල අවුරුදු 20ත් 30ත් අතර වයස්වල පසුවන තරුණ තරුණියන්ට සයිනොෆාම් පළමු මාත්‍රාව ලබාදීම අදත් ක්‍රියාත්මක යි.

ඒ යටතේ කොළඹ දිස්ත්‍රික්කය තුළ විහාරමහා දේවි උද්‍යානය, දියත උයන, පනාගොඩ යුද හමුදා කඳවුර සහ වේරහැර යුද හමුදා වෛද්‍ය බලකා මූලස්ථානයේ දී එන්නත් ලබාදීම සිදුවෙනවා.
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top