පළාත් කිහිපකට අද දිනයේත් ගිගුරුම් සහිත වැසි
Monday, 06 September 2021 - 14:14 | Views - 560
බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් විටින් විට අද (06) දිනයේ වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව දැනුම් දෙනවා.
ඇතැම් ස්ථානවලට මිලි මීටර් 50 ට වැඩි තරමක තද වැසි ද ඇතිවිය හැකි බවයි එම දෙපාර්තමේන්තුව දැනුම් දෙන්නේ.
ඌව පළාතෙත් මඩකලපුව සහ අම්පාර දිස්ත්රික්කවලත් ස්ථාන ස්වල්පයක විශේෂයෙන් අද (06) සවස් කාලයේ දී හෝ රාත්රී කාලයේ දී වැසි හෝ ගිගුරුම් සහිත වැසි ඇතිවිය හැකියි.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු මැද සහ වයඹ පළාත්වලත් හම්බන්තොට සහ ත්රිකුණාමලය දිස්ත්රික්කවලත් සුළඟේ වේගය විටින් විට පැයට කිලෝ මීටර් 40-50 පමණ දක්වා වැඩි විය හැකි බව එම දෙපාර්තමේන්තුව වැඩිදුරටත් දන්වා සිටිනවා.
Share This Article