දැරියකට වේවැලෙන් පහරදී ඝාතනය කිරීමේ සිද්ධියට අදාල පරීක්ෂණ අද (video)
Monday, 01 March 2021 - 11:07 | Views - 409
අමනුෂ්ය බලවේගයක් පළවා හැරීමට යැයි කියමින් සිදුකළ ශාන්තිකර්මයක් අතරතුර මීගහවත්ත ප්රදේශයේ නව හැවිරිදි දැරියක් ජීවිතක්ෂයට පත්වීමේ සිද්ධියට අත්අඩංගුවට ගත් එම දැරියගේ මව සහ ශාන්තිකර්මය සිදුකළ කාන්තාව අද (01) මහර අධිකරණය හමුවට ඉදිරිපත් කිරීමට නියමිතව තිබෙනවා.
පොලිසිය සඳහන් කළේ, අදාළ ශාන්තිකර්මය අතරතුර අදාළ දැරියට වේවැල්වලින් සිදුකළ පහරදීම් හේතුවෙන් දැරිය මෙලෙස ජීවිතක්ෂයට පත්ව ඇති බවයි.
දැරියගේ මෘත ශරීරය පිළිබඳ පශ්චාත් මරණ පරීක්ෂණය අද (01) දින රාගම රෝහලේ දී පැවැත්වීමට නියමිත බවයි පොලිස් මාධ්ය ප්රකාශක නියෝජ්ය පොලිස්පති අජිත් රෝහණ පැවසුවේ.
Share This Article