ජීවිත රැසක ඉරණම ලියවූ , රිලාවල ශෝකාන්තය..
Thursday, 18 February 2021 - 16:50 | Views - 454

කහතුඩුව - රිලාවල මංසන්ධියේ ඊයේ යළිත් මෝටර් රථයක් සහ යතුරුපැදියක් එකිනෙක ගැටීමෙන් තරුණයෙකු බරපතළ තුවාල ලැබුවා.
මෙම ස්ථානයේ නිරන්තරයෙන් රිය අනතුරු සිදුවන බවට අප හිරු ප්රවෘත්ති ඔස්සේ ද අවස්ථා ගණනාවකදී පෙන්වා දුන් නමුත් මෙතෙක් ඒ සඳහා නිසි විසඳුමක් ලැබී නැහැ.
ජනතාව ඉල්ලා සිටින්නේ මෙම ස්ථානයේ අනතුරු වළක්වා ගැනීම සඳහා කඩිනමින් පිළියමක් යොදන ලෙසයි.
කහතුඩුව රිලාවල මංසන්ධිය නිරන්තරයෙන් අනතුරු සිදුවන ස්ථානයක් බවට ඉතා ප්රසිද්ධයි.
ඒ පිළිබඳ හිරු ප්රවෘත්ති ඔස්සේ ද අප අවස්ථා ගණනාවකදී පෙන්වා දුන්නා.
එහි ආසන්නතම සිද්ධිය වාර්තා වුණේ ඊයේ පස්වරුවේයි.
යතුපැදියක් සහ මෝටර් රථයක් එකිනෙක ගැටී සිදු වූ මෙම අනතුරේ ප්රතිඵලය වූයේ තරුණයෙකු බරපතල තුවාල ලැබීමයි.
පසුගිය වසර තුළ පමණක් මෙම ස්ථානයේ අනතුරු 25කට වැඩි ප්රමාණයක් සිදුව ඇති බව පෙන්වාදෙන ප්රදේශවාසීන් පවසන්නේ එම අනතුරුවලින් කිහිපදෙනෙකුම බරපතළ තුවාල ලැබූ බවයි.
මේ වසරේ ගත වූ මාස එක හමාරක කාලය තුළ පමණක් මෙම ස්ථානයේ අනතුරු 4ක් සිදුව තිබෙනවා.
ජනතාව ඉල්ලා සිටින්නේ නිරන්තරයෙන් මෙලෙස සිදුවන අනතුරුවලින් ජීවිතයක් බිලි ගැනීමට පෙර තමන්ට හැකි ඉක්මනින් මේ සඳහා විසඳුමක් ලබා දෙන ලෙසයි.
Share This Article