වට්ස් ඇප් හරහා නිධානයක් බෙදූ අය කොටු වූ හැටි..
Thursday, 18 February 2021 - 10:17 | Views - 452
“පොඩ්ඩක් මට බලන්න ඕනෑ...!
බලන්නම් දෙන්නම් අර විදිහට ආවට පස්සේ...”

නිධායනයකින් ලබාගත් රත්‍රං ලබාදිය හැකි බව පවසා ධනවත් ව්‍යාපාරිකයන් රවටා මුදල් කොල්ලකන කල්ලියක් හිරු සී.අයි.ඒ. හඹාගියා.

අද සී.අයි.ඒ. අනාවරණය ඒ පිළිබඳවයි.

නිධානයකින් ලබාගත් රත්‍රං බව පවසමින් මෙම දර්ශන වට්ස් ඇප් සමාජ මාධ්‍ය හරහා ධනවත් ව්‍යාපාරිකයන්ට යැවීමටයි සංවිධානාත්මක කල්ලියක් කටයුතු කරන්නේ.

මෙම දර්ශන මෑතකදී ලබාගත් බවට තහවුරු කිරීම සඳහා මෙලෙස දින ප්‍රදර්ශනය කිරීමක්ද ඔවුන් සිදුකරනවා.
ජාවාරම්කරුවන් පවසන්නේ රත්‍රං කිලෝ 30ක් තමන් සතු අතර ඉන් එක් කිලෝවක් රුපියල් ලක්ෂ 90කට අලෙවි කරන බවයි.

මෙම රත්‍රං මිලදී ගැනීමට නම් ව්‍යාපාරිකයන් සතු මුදල්ද වට්ස් ඇප් හරහා ජාවාරම්කරුවන්ට පෙන්විය යුතු බවටයි ඔවුන් පවසන්නේ.

ජාවාරම්කරුවන්ගේ අරමුණවන්නේ මුදල් රැගෙන යම් ස්ථානයකට පැමිණි පසු ව්‍යාපාරිකයන් බියවද්දා අදාළ මුදල් රැගෙන පලායාමයි.

මෙම සංවිධානාත්මක අපරාධය පිළිබඳව අප කුරුණෑගල නියෝජ්‍ය පොලිස්පති අජිත් ප්‍රියන්ත මහතාව දැනුවත් කළා.

ඒ අනුව කොට්ඨාස අපරාධ විමර්ශන ඒකකයේ නිලධාරීන් පිරිසක් මෙම කොල්ලකල්ලිය වැටලීමට සැළසුමක් සකස් කළා.

එහිදී කොල්ලකරුවන් ප්‍රකාශ කළේ මුදල් රැගෙන කුරුණෑගල වැව ආසන්නයට පැමිණෙන ලෙසයි.

රාගම ප්‍රදේශයේ රූපලාවන්‍යාගාරයක් පවත්වාගෙන යන කාන්තාවක් මෙහිදී ගනුදෙනුවේ මැදිහත්කරුවෙකු ලෙස පෙනී සිටින්නේ රත්‍රං ගනුදෙනුවට පැමිණෙන ව්‍යාපාරිකයන්ගේ විශ්වාසය වැඩි කිරීම සඳහායි.

පොලිස් නිලධරීන් මුලින්ම එම කාන්තාව අත්අඩංගුවට ගනු ලැබුවා.

පසුව අනෙක් ජාවාරම්කරුවන්ද මෙම කාන්තාව සිටින ස්ථානයට ගෙන්වා ගැනීමට පොලිසිය සූක්ෂමව කටයුතු කළා.

මෙම වැටලීමේදී රත්‍රං ජාවාරම සඳහා පැමිණි මෝටර් රථයක්, යතුරු පැදියක් මෙන්ම රත්‍රං ජාවාරම සඳහා පැමිණි කාන්තාව ඇතුළු පුද්ගලයන් 6 දෙනෙකු අත්අඩංගුවට ගනු ලැබුවා.

Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top