ආදරවන්තයින්ගේ දිනයට පෙම්සුව විදින්න බලා සිටි තරුණයාට ලැබුණු"surprise" එක,
Tuesday, 16 February 2021 - 11:56 | Views - 464
“..මොකෝ ගිය වැඩේ හරි ගියාද..?
කනට දෙකක් දෙන්න ඉස්සර වෙලා”
 
පෙම්වතුන්ගේ දිනය දා පෙම්වතිය එනු ඇතැයි අපේක්ෂාවෙන් සිටි පෙම්වතා හමුවීමට ඇගේ මව පැමිණ එකම අලි ජංජාලයක් වූ පුවතක් දකුණේ අගනගරයෙන් වාර්තා වේ.
 
ඔවුන් දෙදෙනා පෙමින් බැඳුණත් පෙම්වතාට පෙම්වතියගේ පාර්ශ්වයෙන් එල්ල වූයේ දැඩි විරෝධයකි.

තදබල අකැමැත්තකි. ඒ සිය දියණියට ඔහු නොගැළැපේ යයි හේතු කාරණා කිහිපයක්ම මුල් කරගනිමින්ය. මේ නිසාම ඔහු සමග පවත්වාගෙන යන ප්‍රේමය නතර කර දමන ලෙසට මවුපියෝ ඇයට තදින්ම දැනුම් දුන්නහ.
 
පෙම්වතුන්ගේ දිනය දා හිමිදිරියේම පෙම්වතියගේ ජංගම දුරකතනයට ඇමතුමක් එනුයේ ඇය නානකාමරයට ගොස් සිටියදීය. ඇයගේ ජංගම දුරකතනය තිබුණේ නානකාමරය ඉදිරිපිට ඇති කෑම කාමරයේ මේසය උඩය.
 
ඇය නානකාමරයට ගොස් වතුර සමග අවශ්‍ය කටයුතු සිදු කෙරුණු නිසා ජංගම දුරකතනය නාදවනු නොඇසිණ.
තමා පුල පුලා බලා සිටි ජංගම දුරකතන අංකය බව දැනගත් පෙම්වතියගේ මව ඊට සම්බන්ධ වූවාය.
 
ඇය කටහඬ ඉතාම පහත් කොට ඊට සම්බන්ධ වූවාය. දුරකතන ඇමතුම ලැබුණේ දියණියගේ පෙම්වතාගෙනි. පෙම්වතියගේ කටහඬ යයි රැවැටුණු පෙම්වතා පෙම්වතුන්ගේ දිනය සැමරීමට තමා හමුවන්නට එන්න යයි ඔහු කී විට මව එයට පිළිතුරු දෙමින් එන වෙලාව හා එන තැන අසා ගත්තේ ගෙදරින් පැන ගන්න ලැබුණොත් එන්නම් යයි ඉතා රහසින් පවසමින්ය.
 
‘මොකෝ මේ කවදාවත්ම නැතිව රහසින් කතා කරන්නේ’ යයි පෙම්වතා ඇසූවිට ඇය පැවැසුවේ නිවාඩු දිනයක් නිසා අම්මයි තාත්තයි ආසන්නයේ ඉන්නා බවය. ‘අනේ අද කොහෝම හරි එන්න’ යයි ඔහු ඉල්ලා සිටියේය. ඉතාම රහසින් ඇය කීවේ ‘හා හරි හරි, ඔයා කෝකටත් තැනට ඇවිල්ලා ඉන්නකෝ’ කියමින් ඉතා හදිසි බව පෙන්වමින් දුරකතනය විසන්ධි කළාය.
 
මේ ඇමතුම ලැබීමත් සමගම සිය දියණියගේ ජංගම දුරකතනය මවගේ බාරයට පත්විය. ඒ සමගම ඇයට නිවසින් බැහැරව යාම ද තහනම් කෙරිණ.
 
පෙම්වතා නියමිත වේලාවටත් කලින් නියමිත ස්ථානයට පැමිණ සිටියේය. ඔහුට නොපෙනෙන්න පෙම්වතියගේ මව ඔහු අල්ලා ගැනීමට ගියත් තමාට අඩි තුන හතරක් ඉදිරියෙන් එමින් සිටි පෙම්වතියගේ මව දුටු ඔහුට දෙවියන් බුදුන් සිහි වූයේය. ගාල කඩාගත් හරකකු මෙන් ඔහු දිව ගියේ එකත් එකටම උදේ දුරකතන ඇමතුම ලබාගෙන ඇත්තේ පෙම්වතිය නොව ඇයගේ මව බව සිහියට නගමිනි.
 
‘මොකෝ ගිය වැඩේ හරි ගියා ද’ යැයි පෙම්වතියගේ මව ගෙට ගොඩ වැදෙනු දුටු පියා ඇසුවේය. ‘කොහේද මම දැක්ක විතරයි ඌ ගාල කඩාගත්ත හරකා වගේ දිව්වනේ, කනට දෙකක් දෙන්න ඉස්සර වෙලා’ යයි කීවේ ඒ අවස්ථාවේ නිවසේ රැඳී සිටි අමුත්තන් ද අමතක කරමින්ය. ඒ නිසා අමුත්තන්ට ද ඇය නිවෙසින් පිටව ගිය කාරණය කියන්නට සිදුවිය.
 
කරන්දෙණිය - එම්. සුසිල් ප්‍රියන්ත
ලිපිය උපුටා ගැනීම "ලංකාදීප" පුවත්පතෙන්..
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top