තම පවුලේ වුන් අතින්ම අමානුෂිකව ඝාතනය වුණු තරුණයා..
Tuesday, 16 February 2021 - 10:25 | Views - 522
මියගිය සම්පත් අවුරුදු 37ක් වයස පුද්ගලයෙක්...
පොලිස් පරීක්ෂණ-වලින් හෙළි වූ දේ මෙන්න........

සිය බාල පුතා සමඟ එක්ව වැඩිමහල් පුතුගේ පසුපස හඹාගොස් අමානුෂික ලෙස කපා කොටා ඝාතනය කළ එම පවුලේම මව සහ පුතුන් දෙදෙනකු මන්නා පිහියක්ද සමඟ ඊයේ (15දා) අත්අඩංගුවට ගත් බව මීගහතැන්න පොලිසිය පවසනවා.

ඝාතනයට ලක් වූයේ මීගහතැන්න බෝතලාව කහටගල්ල ප්‍රදේශයේ පදිංචිව සිටී ඩබ්ලිව්.ඩී. ශාන්ත කුමාර හෙවත් සම්පත් නමැති (37) නමැත්තෙක්.

සැකකාර පියා ප්‍රදේශය හැර පලා ගොස් ඇතැයි පොලිසිය සඳහන් කරනවා.

මියගිය පුද්ගලයා පෙරේදා (14දා) දහවල් යතුරුපැදියකින් සිය නිවෙසේ සිට පැලවත්ත නගරයට යෑමට පිටත්වෙද්දී ඔහුගේ නිවෙස අසල දී මව සහ පියා පැමිණ යතුරුපැදිය නතර කර ඇතැයි පොලිසිය පැවසුවා.

කිසියම් හේතුවක් මත බියට පත්වූ යතුරුපැදිකරු, යතුරුපැදිය එම ස්ථානයේ දමා ඒ ආසන්නයේ වෙල්යාය හරහා දිව ගොස් ඇති අතර ඔහුගේ පියා සහ මල්ලී තියුණු ආයුධයක් රැගෙන ඔහු පසුපස හඹා ගොස් අත් දෙක වෙන් වන සේ තියුණු ආයුධයකින් කපා හිසට ද පහර දී මෙම අපරාධය සිදුකර ඇති බව පොලිස් විමර්ශනවලදී අනාවරණය වී තිබෙනවා.

සිදු වූ ඝාතනය කලක සිට පවුලේ පිරිස අතර පැවත එන ආරවුලක ප්‍රතිඵලයක් බව පොලිසිය සඳහන් කළා.

ප්‍රදේශය හැර පලා ගොස් සිටින සැකකාර පියා මිනීමැරුම් නඩුවක විත්තිකරුවකු සිට නිදහස ලැබූ බවත් පොලිස් නිලධාරියෙක් පැවසුවා.

මීගහතැන්න පොලිසියේ ස්ථානාධිපති එච්.එම්.ජේ. ආරියවංශ මහතාගේ උපදෙස් මත අපරාධ අංශයේ ස්ථානාධිපති පොලිස් පරීක්ෂක පාලිත රාමසිංහ මහතා ඇතුළු නිලධාරීන් පරීක්ෂණ පවත්වනවා.



කොළඹ - ජයසිංහ/පොතුපිටිය - සුමිත් රණවක
මෙම ලිපියේ සම්පූර්ණ උපුටා ගැනීම "මව්බිම" පුවත්පතෙන්...

 
 
 
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top