ආදරවන්තයින්ගේ දිනය නිමිත්තෙන් විවිධ ආකාරයේ වංචනික ක්රියා සැලසුම් කර ඇති බවට පොලීසියට තොරතුරු වාර්තා වී ඇතැයි පොලිස් මාධ්ය ප්රකාශක,
නියෝජ්ය පොලිස්පති අජිත් රෝහණ මහතා පවසනවා.
අන්තර්ජාලය හරහා විවිධ කණ්ඩායම් විසින් පුද්ගලයන් රැවටීමේ ක්රියාවලියක නිරතවීමේ සැලසුමක් ඇති බවට තොරතුරු හෙළිවී ඇති බවයි ඔහු සඳහන් කළේ.
ආදරවන්තයන්ගේ දිනය වෙනුවෙන් පෙම්වතා හෝ පෙම්වතිය එවා ඇති ත්යාගයක් ලබාගැනීම වෙනුවෙන් මුදලක් තැන්පත් කිරීමට අදාළ කණ්ඩායම් විසින් කෙටි පණිවුඩ මාර්ගයෙන් හෝ සමාජ මාධ්ය ගිණුම් ඔස්සේ දැනුම්දෙනු ඇතැයි පොලිස් මාධ්ය ප්රකාශකවරයා කියාසිටියා.
එවැනි වංචනික ක්රියාවලට හසු නොවන ලෙසටයි ඔහු ඉල්ලා සිටියේ.