අනියම් සැමියාට හොරෙන් වරදේ බැදුණු ඇයට, අවසානයේ තම මුඛයද අහිමි විය.
Monday, 08 February 2021 - 16:26 | Views - 1,501
අනියම් බිරියගේ පෙම් හුටපටයෙන් උරණ වූ විවාහකයා , ඇයගේ කට තියුණු ආයුධයකින් කපා දමයි. 

වෙනත් පුද්ගලයකු සමඟ ප්‍රේම සබඳතාවක් පවත්වාගෙන යෑමේ සිද්ධියකට උරණ වී සිය අනියම් බිරියට තියුණු ආයුධයකින් පහරදී කට කපා බරපතළ තුවාල කළ විවාහකයකු 07දා සැකපිට අත්අඩංගුවට ගත් බව කිරුළපන පොලිසිය පවසයි.


මෙසේ අත්අඩංගුවට ගෙන ඇත්තේ කිරුළපන නාගස්වත්තේ ප්‍රදේශයේ පදිංචි (42) හැවිරිදි දෙදරු පියකු බව පොලිසිය කියයි.

මෙම පුද්ගලයා එම ප්‍රදේශයේම පදිංචි 35 හැවිරිදි විවාහක කාන්තාවක සමඟ අනියම් සම්බන්ධතාවක් පවත්වාගෙන ගොස් ඇති අතර ඇය වෙනත් පුද්ගලයකු සමඟ තවත් ප්‍රේම සබඳතාවක් පවත්වාගෙන යන බවට සැකකරුට තොරතුරක් ලැබී තිබූ බව පොලිසිය පවසයි. ඒ අනුව සැකකරු අවස්ථා කිහිපයකදී ඇයගෙන් මේ පිළිබඳව විමසා ඇතත් ඒ සෑම අවස්ථාවකදීම එය ප්‍රතික්‍ෂේප කරමින් දෙදෙනා අතර බහින් බස්වීම් සිදුව ඇතැයි පොලිසිය කියයි.

මේ අතර සැකකරු නිරන්තරයෙන් ඇය පිළිබඳව විමසිල්ලෙන් සිටින අතරතුරදී අනියම් සබඳතාව පවත්වාගෙන යන බවට සැකකෙරෙන පුද්ගලයාගේ ඥාතියකුගේ නිවෙසක් අසල මෙම කාන්තාව රැඳී සිටිනු දැක ඒ පිළිබඳව උරණවී ක්‍ෂණයකින් ක්‍රියාත්මක වූ සැකකරු උල් පිහියකින් ඇන කට කපා බරපතළ තුවාල කර ඇති බව පොලිසිය පවසයි. බරපතළ තුවාල ලැබූ කාන්තාව ප්‍රතිකාර සඳහා කළුබෝවිල ශික්‍ෂණ රෝහලට ඇතුළත් කළ බව පැවැසේ.

කළ විමර්ශනයකදී පහරදීමට භාවිත කළ තියුණු ආයුධයද සමඟ සැකකරු කිරුළපන නාගස්වත්ත ප්‍රදේශයේ නිවෙසක සැඟවී සිටියදී අත්අඩංගුවට ගත් බව පොලිසිය පවසයි.

සැකකරු අලුත්කඩේ අංක තුන අධිකරණයට ඉදිරිපත් කිරීමට නියමිතය. සිද්ධිය සම්බන්ධයෙන් කිරුළපන පොලිස් ස්ථානාධිපති ප්‍රධාන පොලිස් පරීක්‍ෂක චන්දන කළුආරච්චි මහතාගේ උපදෙස් මත අපරාධ විමර්ශන අංශයේ ස්ථානාධිපති පොලිස් පරීක්‍ෂක ප්‍රදීප් එදිරිවීර මහතාගේ මෙහෙයවීමෙන් උප පොලිස් පරීක්‍ෂක චාමික ජයවීර, පො.සැ.ජයවීර (9233), සනත් (37060), තරංග (61413), කරුණානායක (66151), පො.කො. චන්දික (30574), විජේතුංග (37783), සමීර (68485), කපිල (70225), බණ්ඩාර (71943), අරුණ (78686), කා.පො.කො. දිල්ෂාන් (10133) ඇතුළු නිලධාරීහු වැටලීම කොට ඉදිරි පරීක්‍ෂණ පවත්වති.

මව්බිම
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top