තිස්තුන් හැවිරිදි කාන්තාවත්,දහතුන් හැවිරිදි පුත්රයාත් අමානුෂිකව ඝාතනය කල අනියම් සැමියා .,
Tuesday, 02 February 2021 - 9:11 | Views - 863

වාසනාගේ ෆෝන් එකේ රිංග්ස් ගියාට ගත්තේ නෑ...
කාන්තාවක් සහ ඇයගේ පුත්රයා අමානුෂික ලෙස ඝාතනය කළ පුවතක් පිළිබඳව අම්පාර දමන ප්රදේශයෙන් වාර්තාවනවා.
මෙලෙස ඝාතනයට ලක්ව ඇත්තේ 33 හැවිරිදි කාන්තාවක් සහ 13 හැවිරිදි වියේ පසුවූ ඇයගේ පුත්රයා බවටයි තොරතුරු වාර්තා වන්නේ.
එම කාන්තාවගේ අනියම් සැමියා විසින් මෙම ඝාතනය සිදුකර ඇති බවටයි පොලිසිය සැක පළකරන්නේ.
මියගිය කාන්තාවගේ සැමියා යුද හමුදා නිලධාරියෙක් වන අතර ඔහු පසුගිය යුද සමයේදී ජීවිතක්ෂයට පත්වීමෙන් අනතුරුව මෙම කාන්තාව සැකකාර පුද්ගලයා සමඟ සම්බන්ධතාවක් පවත්වා තිබෙනවා.
අනතුරුව එම පුද්ගලයා මියගොස් ඇති කාන්තාව සහ ඇයගේ පුත්රයා සමඟ අම්පාර, දමන වරාලන්ද ප්රදේශයේ පිහිටි අදාළ නිවසේ වාසය කර ඇති බවයි අනාවරණ වී ඇත්තේ.
සිද්ධිය වූ දින රාත්රියේ සැකකාර සැමියා එම නිවසේ මත්පැන් සාදයක් පවත්වා ඇති බවයි විමර්ශනවලදී හෙළිවී ඇත්තේ.
ඊට පසුදින අලුයම් කාලයේ අනියම් සැමියා විසින් මියගිය කාන්තවගේ මවට දුරකථන ඇමතුමක් ලබාදී එම කාන්තාව තමන්ට බැන වදින බව පවසා තිබෙනවා.
අනතුරුව මියගිය කාන්තාව ද සිය මවට දුරකථන ඇමතුමක් ලබාදී පවසා ඇත්තේ සැකකරු විසින් තමන්ට හිරිහැර සිදුකරන බවයි.
එහිදී ඇය වැඩිදුරටත් සිය මවට පවසා ඇත්තේ තම පුතුට හෙට දිනයේ පාසල් යාමටද නොහැකිවන බවයි.
කෙසේ වෙතත් මියගිය කාන්තාවගේ මව විසින් ඇයට දුරකථන ඇමතුම් කිහිපයක් ගෙන ඇතිමුත් ඒ සඳහා ඇය ප්රතිචාර දක්වා නොමැති වාර්තා වන්නේ.
අනතුරුව පසුදින උදෑසන අසල්වැසි නිවසක කාන්තාවක් මියගිය දරුවා පාසල් යාම සඳහා නොපැමිණීම හේතුවෙන් ඒ පිළිබඳව විමසීමට නිවසට ගිය අවස්ථාවේදීයි අමානුෂික ලෙස ඝාතනය කර ඇති ඔවුන්ගේ සිරුරු දැක ඇත්තේ.
අනතුරුව ඔවුන් විසින් කළ දැනුම්දීමකට අනුව දමන පොලිසිය සිද්ධිය සම්බන්ධයෙන් විමර්ශන ආරම්භ කර තිබෙනවා.
සැකකරු තිස්සමහාරාම ප්රදේශයේ පදිංචිකරුවෙක් වන බව බව අනාවරණ වී ඇති අතර ඔහු මේ වනවිට සිද්ධිය වූ ප්රදේශයෙන් පළාගොස් ඇති බවයි සඳහන් වන්නේ.
දමන පොලිස් ස්ථානයේ අපරාධ විමර්ශණ අංශය මගින් සිද්ධිය සම්බන්ධයෙන් පරීක්ෂණ ආරම්භ කර ඇති අහ්ටර මෙයට අමතරව පොලිස් නිළ සුනඛයින් යොදා ගනිමින් ඝාතකයා සෙවිමට කටයුතු ආරම්භ කර තිබෙනවා.
Share This Article