තියුණු ආයුධවලින් පුද්ගලයෙකු ඝාතනය කල සැකකරුවන් අත්අඩංගුවට..,
Wednesday, 27 January 2021 - 8:55 | Views - 640
පසුගිය දිනක මිටියාගොඩ පොලිස් වසමේ මිටියාගොඩ ඉන්ධන පිරවුම්හල අසලදී නාදුනන පිරිසක් විසින් පුද්ගලයෙකුට තියුණු ආයුධවලින් පහරදීමක් සිදුකර ඝාතනය කිරීමේ සිද්ධියට සම්බන්ධ ප්රධාන සැකකරුවන් හතර දෙනෙකු ඊයේ මිටියාගොඩ පොලිස් ස්ථානයට ඉදිරිපත් වීමෙන් අනතුරුව අත්අඩංගුවට ගෙන තිබෙනවා.
සැකකරුවන් විසින් ඝාතනය සිදුකිරීම සදහා පැමිණි යතුරුපැදි දෙකක් ඝාතනය කිරීමට උපයෝගී කරගත් උල් පිහි දෙකක් , කඩු එකක් සහ මන්නා පිහි එකක් පොලිසිය විසින් සොයාගෙන තිබෙනවා.
අත්අඩංගුවට ගත් සැකකරුවන් වයස අවුරුදු විසිහතරත් , තිස්දෙකත් අතර වයස් වල පසුවන මිටියාගොඩ ප්රදේශයේ පදිංචි කරුවන්. සැකකරුවන් අද දින බලපිටිය මහේස්ත්රාත් අධිකරණය වෙත ඉදිරිපත් කිරීමට නියමිතයි. මීටියාගොඩ පොලිසිය වැඩිදුර විමර්ශන මෙහෙයවයි.
Share This Article