මනාලියගේ සහෝදරයා මංගල සභාවේ ඇදවැටී මියයයි .., මරණ පරීක්ෂණය පී.සී.ආර්. වාර්තාවෙන් පසු..,
Tuesday, 26 January 2021 - 13:29 | Views - 6,896
දහවල් ආහාර ගැනීමෙන් පසුවත් අත්පුඩි ගසමින්,
විනෝද වෙමින් ඉඳලා....
 
සිය නැඟණිය මධුසමය ගත කිරීම සඳහා යෑමට මොහොතක් තිබියදී සහෝදරයා මංගල යුවළ ඉදිරිපිටදී ඇද වැටී ඊයේ (25දා) මියගොස් ඇතැයි පිළියන්දල හදිසි මරණ පරීක්ෂක අජිත් විජේසිංහ මහතා පැවැසීය.
 
මෙලෙස මියගොස් ඇත්තේ කඩවත මහර නුගේගොඩ පදිංචි සිටි සුපිරි වෙළෙඳසළක ගබඩාවක සේවය කරන්නකු වූ ගයාන් අනුරාධ කාරියවසම් (38) තිදරු පියෙකි.

ගල්කිස්ස ප්‍රදේශයේ පදිංචි මනාලයාගේ පාර්ශ්වය සහ කඩවත ප්‍රදේශයේ පදිංචි මනාලියගේ පාර්ශ්වය අතර මංගල උළෙල පවත්වා ඇත්තේ පිළියන්දල වෑවල ප්‍රදේශයේ හෝටලයක බව හදිසි මරණ පරීක්ෂකවරයා පැවැසීය.
 
දහවල් ආහාරය ගැනීමෙන් අනතුරුව දෙපාර්ශ්වයේ පැමිණි පිරිසෙන් බහුතරයක් දෙනා මංගල යුවළ ඉදිරිපිට සංගීතයට අනුව තාලෙට අත්පුඩි ගහමින් නටමින් විනෝද වෙමින් සිටියදී මියගිය පුද්ගලයා එකවරම මේසයක් මතට ඇද වැටී ඇති අතර වහා ක්‍රියාත්මක වූ මංගල උළෙලට සහභාගි වූ කිහිපදෙනකු විසින් පිළියන්දල දිසා රෝහලට ඔහු රැගෙන එන විටත් මිය ගොස් තිබූ බව රෝහල් ප්‍රකාශකයෙක් පැවැසීය.
 
මළසිරුර පී.සී.ආර්. පරික්ෂණයෙන් අනතුරුව ලැබෙන ප්‍රතිඵල අනුව පශ්චාත් මරණ පරීක්ෂණයක් පැවැත්වීමට නියමිත බව හදිසි මරණ පරීක්ෂක විජේසිංහ මහතා වැඩිදුරටත් පැවැසීය. පිළියන්දල පොලිසියේ ස්ථානාධිපති ප්‍රධාන පොලිස් පරීක්ෂක සනත් රංජිත් මහතාගේ උපදෙස් මත පොලිස් සැරයන් කපිල (27320) මහතා පරීක්ෂණ පවත්වයි.
 
කොළඹ - ජයසිංහ
මෙම ලිපියේ සම්පූර්ණ උපුටා ගැනීම "මව්බිම" පුවත්පතෙන්..
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top