ට්‍රම්ප්ගේ ෆේස්බුක්-ට්විටර් ගිණුම් අත්හිටුවයි
Thursday, 07 January 2021 - 9:39 | Views - 377
ඇමෙරිකා එක්සත් ජනපදයේ ජනාධිපති ඩොනල්ඩ් ට්‍රම්ප්ගේ ගිණුම් අත්හිටුවීමට ට්විටර් සහ ෆේස්බුක් සමාගම් පියවර ගෙන ඇත.

ඇමෙරිකාවේ වොෂින්ටන් අගනුවර කැපිටල් ගොඩනැගිල්ලේ ඇති වූ කැරැලි කෝලහාල මධ්‍යයේ ජනාධිපති ඩොනල්ඩ් ට්‍රම්ප් දිගින් දිගටම ජනාධිපතිවරණය සම්බන්ධයෙන් පදනම් විරහිත ප්‍රකාශ නිකුත් කිරීමත් ප්‍රචණ්ඩත්වය ඇති කරන ටිව්ටර් පණිවුඩ සහ ෆේස්බුක් සටහන් (පෝස්ට්ස්) නිකුත් කිරීමත් හේතුවෙන් එම සමාගම් එම පියවර ගත්තේ ය.

ට්විටර් සහ ෆේස්බුක් යන ලෝ ප්‍රකට සමාජ ජාල දෙකක් වන අතර තාක්ෂණික ලෝකයේ දැවැන්ත සමාගම් දෙකකි.

“කොලොම්බියා දිස්ත්‍රික්කයේ වොෂින්ටන් අගනුවර පෙර නොවූ විරූ ආකාරයේ ප්‍රචණ්ඩ ක්‍රියා ඇති වී තිබෙනවා” යැයි සඳහන් කරමින් ට්‍රම්ප් ටිව්ටර් පණිවුඩයක් නිකුත් කළේය. ඊට අමතරව ඔහු තවත් ට්විටර් පණිවුඩ දෙකක් නිකුත් කළේය. එම ට්විටර් පණිවුඩ තුනම ජනතාවට නොපෙනෙන ආකාරයෙන් සැඟවීමට ට්විටර් සමාගම පියවර ගත් අතර එම ට්විටර් පණිවුඩ ඉවත් කරන්නැයි ඇමෙරිකානු ජනාධිපතිවරයාට අවධාරණය කළේය.

සිය සමාගමේ ප්‍රතිපත්ති දෙකක් උල්ලංඝණය කිරීම හේතුවෙන් ඩොනල්ඩ් ට්‍රම්ප් ට පැය 24ක් යනතුරු ෆේස්බුක් සටහන් තැබීමට ඉඩ නොදෙන බවත් ඔහුගේ ෆේස්බුක් ගිණුම අවහිර කරන බවත් එම සමාගම ඉන් ටික වේලාවකට පසු ට්විටර් පණිවුඩයක් නිකුත් කරමින් සඳහන් කළේය.

තේරී පත්වූ ජනාධිපති ජෝ බයිඩන් ඇමෙරිකා එක්සත් ජනපදයේ මීළඟ ජනාධිපතිවරයා ලෙස දිවුරුම් දීම අවහිර කරන්නැයි බල කරමින් ට්‍රම්ප්ට හිතවාදී විරෝධතාකරුවෝ ඇමෙරිකාවේ කොංග්‍රසය පිහිටා ඇති කැපිටල් ගොඩනැගිල්ලට කඩා වැදුණාහ.

ජනාධිපති ට්‍රම්ප්ගේ ට්විටර් ගිණුම පැය 12කට අත්හිටුවීමට එම සමාගම පියවර ගත්තේ එම ට්විටර් පණිවුඩ ඉවත් නොකරන්නේ නම් ගිණුම ඉදිරියටත් අවහිර කරන බව ද එම සමාගම සඳහන් කළේය.

ඒ අනුව ජනාධිපති ට්‍රම්ප් ට -රියල්ඩොනලඩ්ට්‍රම්ප්- යන ට්විටර් ගිණුමෙන් ට්විටර් පණිවුඩ නිකුත් කළ නොහැක.

මේ අතර ජනාධිපති ට්‍රම්ප්ගේ ඉන්ස්ටග්‍රම් ගිණුම ද පැය 24කට අත්හිටුවීමට එම සමාජ ජාල සමාගම පියවර ගෙන තිබිණි.

ලංකාදීප
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top