ගිනි අවියක් සමඟ අපරාධ රැසකට සම්බන්ධ පුද්ගලයෙකු කැළණිමුල්ලේදී අත්අඩංගුවට
Thursday, 07 January 2021 - 9:25 | Views - 326
මෙරට නිෂ්පාදිත ගල්කටස් වර්ගයේ ගිනි අවියක් සමඟ අපරාධ කිහිපයකට සම්බන්ධ පුද්ගලයෙකු මුල්ලේරියාව - කැළණිමුල්ල පාලම අසළදී අත්අඩංගුවට ගෙන තිබෙනවා.
පොලිස් විශේෂ කාර්ය බලකායේ සංවිධානාත්මක අපරාධ මර්දන ඒකකයේ නිලධාරීන් ඊයේ පස්වරුවේ සිදුකළ වැටලීමකදී මොහු අත්අඩංගුවට ගෙන ඇති බවයි වාර්තාවන්නේ.
සැකකරු කිසියම් අපරාධයක් සිදුකිරීම සඳහා මෙම ගිනි අවිය ළඟ තබාගෙන ඇති බවටයි සැක පලකරන්නේ.
මොහු මීට පෙර, 2005 වසරේ කැළණිය - පට්ටිය ප්රදේශයේදී සංවිධානාත්මක අපරාධකරුවෙකු වූ ප්රින්ස් කොලම්ගේ සමීපතම ආධාරකරුවෙකු වන වීරසිංහ ආරච්චිලාගේ සංඛ නොහොත් ලාරා කපා කොටා ඝාතනය කිරීමේ සිද්ධියට වරදකරු වී සිරදඩුවම් නියමව නිදහස් වූ අයෙක් බවයි පොලිස් විශේෂ කාර්ය බලකාය සඳහන් කළේ.
එමෙන්ම මෙම සැකකරු 2018 වසරේ විදෙස් රටක නිෂ්පාදිත ජීව අත්බෝම්බයක් ළඟ තබාගැනීමේ චෝදනාවට ද අත්අඩංගුවට ගෙන ඇති අතර, ඊට අදාළව ඔහුට කොළඹ මහාධිකරණය හමුවේ නඩුවක් ද විභාගවෙමින් පවතිනවා.
Share This Article