නීතිපතිවරයාගේ දැනුම්දීම මත අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් ස්වර්ණමහල් ජුවලර්ස් ආයතනයේ හිටපු අධ්යක්ෂවරුන් වන ජීවක එදිරිසිංහ,අසංක එදිරිසිංහ, දීපා එදිරිසිංහ නාලක එදිරිසිංහ එක් අයෙකුට රුපියල් මිලියනයක ශරීර ඇප දෙකක් මත මුදාහැරීමට කොළඹ කොටුව මහේස්ත්රාත් අධිකරණය නියෝග කළා.
ඔවුන්ගේ විදේශ ගමන් බලපත්ර අහෝසි කළ අධිකරණය වැඩිදුරටත් නියෝග කළේ සෑම සති දෙකකට වරක්ම අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙසයි.
ස්වර්ණමහල් ජුවලර්ස් ආයතනයේ හිටපු අධ්යක්ෂ මණ්ඩලය අපරාධ පරීක්ෂණ දෙපාර්තමේන්තුව මගින් අත්අඩංගුවට ගැනීමෙන් අනතුරුව අද පස්වරුවේ කොටුව ප්රධාන මහේස්ත්රාත් අධිකරණය වෙත ඉදිරිපත් කෙරුණා.
එම හිටපු අධ්යක්ෂ මණ්ඩලය අත්අඩංගුවට ගැනීම සඳහා නීතිපතිවරයා විසින් අපරාධ පරීක්ෂණ දෙපාර්තමේන්තුවට නියෝග කළේ රුපියල් බිලියන 13.7ක මුදලක් තැන්පතු ලෙසනීති විරෝධීව ලබාගැනීම සහ මුදල් විශුද්ධිකරන චෝදනා යටතේයි.