පළාත් 3කට සහ දිස්ත්රික් කිහිපයකට කාලගුණයෙන් අනතුරු ඇඟවීමේ නිවේදනයක්
Thursday, 31 December 2020 - 16:24 | Views - 439

සබරගමුව, මධ්යම සහ බස්නාහිර පළාත්වලත් ගාල්ල, මාතර, මඩකලපුව, අම්පාර සහ බදුල්ල දිස්ත්රික් සඳහා කාලගුණ විද්යා දෙපාර්තමේන්තුවෙන් ප්රභල අකුණු පිළිබඳ අවවාදාත්මක නිවේදනයක් නිකුත්කර තිබෙනවා.
අද පස්වරු 3ට මෙම නිවේදනය නිකුත් කර ඇත්තේ අද රාත්රී 11 තෙක් වලංගු වන ආකාරයෙන්.
ඒ අනුව සබරගමුව, මධ්යම, බස්නාහිර පළාත්වලත් ගාල්ල, මාතර, මඩකලපුව, අම්පාර සහ බදුල්ල දිස්ත්රික්වලත් තැනින් තැන ගිගුරුම් සහිත වැසි සමග ප්රභල අකුණු ඇතිවීමේ වැඩි හැකියාවක් පවතිනවා.
ඇතැම් ස්ථානවලට මිලිමීටර් 100ට වඩා වැඩි තද වර්ෂාපතනයක් ද ඇතිවිය හැකි බවයි කාලගුණ විද්යා දෙපාර්තමේන්තුව කියාසිටියේ.
ගිගුරුම් සහිත වැසි ඇතිවන විට එම ප්රදේශවල තාවකාලිකව තද සුළං ද ඇතිවිය හැකියි.
අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙසට ජනතාවගෙන් කාරුණිකව ඉල්ලා සිටිනවා.
ඒ අනුව අකුණු සහ ගිගුරුම් පවතින අවස්ථාවල එළිමහනේ හෝ ගස් යට නොසිටිය යුතු අතර ආරක්ෂිත ගොඩනැගිල්ලක් හෝ සංවෘත වාහනයක් තුල රැඳී සිටිය යුතුයි.
කුඹුරු, තේ වතු, ක්රීඩා පිටි මෙන්ම ජලාශ වැනි විවෘත ස්ථානවල රැඳී සිටීමෙන් වලකින ලෙසට ද උපදෙස් ලබාදී තිබෙනවා.
රැහැන් සහිත දුරකථන සහ විදුලියට සම්බන්ධ කරන ලද විදුලි උපකරණ භාවිතයෙන් වළකින ලෙසටයි දැනුම් දෙන්නේ.
බයිසිකල්, ට්රැක්ටර් සහ බෝට්ටු වැනි විවෘත වාහන භාවිතයෙන් ද වැලකිය යුතු අතර තද සුළං හේතුවෙන් ගස් සහ විදුලි රැහැන් බිම ඇද වැටීමට ඉඩ ඇති බැවින් ඒ පිළිබඳව ද අවධානය යොමු කළ යුතුයි.
එමෙන්ම කාලගුණ විද්යා දෙපාර්තමේන්තුව වැඩිදුරටත් සඳහන් කළේ හදිසි තත්වයකදී ප්රාදේශීය ආපදා කළමණාකරණ මධ්යස්ථාන නිලධාරීන්ගේ සහය ලබාගන්නා ලෙසටයි.
Share This Article