ශී්ර ලංකාවේ වයස්ගතම කාන්තාව වේලූ පාප්පානි මියයයි
Thursday, 31 December 2020 - 9:01 | Views - 334

ආසියාවේ දෙවැනි වයස්ගතම කාන්තාව වන කළුතර දිස්ත්රික්කයේ නෑබඩ, ක්ලෝඩන් වත්තේ හෙදරලිය කොටසේ විසූ වේලූ පාප්පානි මාතාව අවුරුදු 117ක් ආයුවිඳ පසුගිය 29 වැනිදා රාත්රියේ මිය ගියාය.
සිංහල පියකුට සහ දමිළ මවකට දාව 1903 මැයි මස 03 වැනිදා කඩුගන්නාව ප්රදේශයේ උපන් වේලූ පාප්පානි පසුව කඩුගන්නාවේ සිට බුලත්සිංහල ගීකියනකන්ද වත්තට පැමිණ ඇත්තේ සුදු වතු අධිකාරිවරයකුගේ බංගලාවේ සේවය සඳහාය.
පසුව ඇය සිංහල ජාතිකයකු සමග විවාහ ගිවිස ගත් අතර දෙදරු මවක වූවාය.
දරු දෙදෙනා විවාහ වී වෙන්ව ගිය පසු ඇය නෑබඩ ක්ලෝඩන් වත්තේ අබලන් නිවසක දමිළ කම්කරු යුවලකගේ රැකවරණය යටතේ ජීවත් වූවාය.
කළුතර දිස්ත්රික් සම්බන්ධීකරණ කමිටු සභාපති කළුතර දිස්ත්රික් පාර්ලිමේන්තු මන්ත්රී සංජීව එදිරිමාන්න තමාගේ පළමු මන්ත්රී වැටුප සහ පෞද්ගලික ධන පරිත්යාග යොදවා වේලූ පප්පානි මාතාවට නිවසක් තනා නොබෝදා භාර දෙන ලදී.
වේලූ පාප්පානි මාතාව දින කිහිපයක් අසනීපව සිට 29 වැනිදා රාත්රියේ නාගොඩ මහ රෝහලේ දී සිය දිවි සැරිය නිමා කළේ ශ්රී ලංකාවේ වයස්ගතම කාන්තාව සහ ආසියාවේ දෙවන වයස්ගතම කාන්තාව යන වාර්තා ද්විත්වයටම උරුමකම් කියමිනි.
Share This Article