කොරෝනා වෛරසයේ ආරම්භය සිදුවූ වූහාන් ගැන වාර්තා කළ චීන මාධ්යවේදීනියට වෙච්ච දේ
Tuesday, 29 December 2020 - 11:41 | Views - 300
කොරෝනා වෛරසයේ ආරම්භය සිදුවූ බව සැලකෙන චීනයේ හුබෙයි ප්රාන්තයේ වූහාන් නගරයේ කොරෝනා ව්යාප්තිය වාර්තා කළ චීන මාධ්යවේදිනියකට අද එරට අධිකරණයක් මගින් වසර 4 ක සිරදඩුවම් නියම කළා.
ෂෑන්ග් ෂෑන් නමැති 37 හැවිරිදි ඇය පසුගිය පෙබරවාරියේ වූහාන් නගරයට ගොස් එහි තත්ත්වය සජීවි ලෙස වාර්තා කළ අතර, ඇගේ සටහන් සමාජ මාධ්ය ඔස්සේ ද ප්රචාරය වුණා.
චීන බලධාරින් විසින් පසුගිය මැයි 14 වනදා ෂැංහයි නුවරදී අත්අඩංගුවට ගනු ලැබූ ඇය සිරමැදිරියේදී උපවාසයක ද නිරත වී තිබෙනවා.
කෙසේ නමුත්, බන්ධනාගාර බලධාරින් ඇයට කෘත්රිම ලෙස බටයක් යොදා ආහාර ශරීරගත කර ඇති අතර ඇය මේ වනවිට දැඩි මානසික පීඩනයකට ද ලක්වී සිටින බවයි ඇගේ නිීතිඥයා ප්රකාශ කළේ.
මේ තත්ත්වය යටතේ අධිකරණ විභාගය කල් දමන ලෙස කළ ඉල්ලීම් නොසලකා හැර ඇති අතර ඇය අද ෂැංහයි අධිකරණයට ඉදිරිපත් කිරීමෙන් පසු මෙලෙස සිව් වසරක සිරදඬුවමකට යටත් කෙරුණා.
ඇයට එරෙහිව චීන බලධාරින් එල්ල කරන චෝදනාව වන්නේ ඇය වූහාන් නගරයේ කොරෝනා ව්යාප්තිය සම්බන්ධයෙන් ව්යාජ තොරතුරු සමාජ ගත කර ඇති බවයි
Share This Article