රුසියානු සංචාරකයින් රැගත් ගුවන් ගමන් අවලංගු කෙරේ
Friday, 25 December 2020 - 13:24 | Views - 522
මොස්කව් නුවර සිට රුසියානු සංචාරකයින් රැගෙන ශ්රී ලංකාවට පැමිණීමට නියමිතව තිබූ තම ගුවන් සමාගමට අයත් යානා ලබන 31 වන දා දක්වා අවලංගු කර ඇති බව රුසියාවේ ප්රධාන ගුවන් සමාගම වන එරෝෆ්ලොට් ගුවන් සමාගම මෙරටට දැනුම් දී තිබෙනවා.
ගුවන් තොටුපළ හා ගුවන් සේවා සමාගමේ උප සභාපති රජිව් සූරියආරච්චි සඳහන් කළේ සංචාරකයින් 300කට ආසන්න පිරිසක් රැගෙන එම ගුවන් සමාගමට අයත් පළමු යානය අනිද්දා අලුයම කටුනායක - බණ්ඩාරනායක ගුවන් තොටුපළ වෙත ළඟාවීමට නියමිතව තිබූ බවයි.
කෙසේ වෙතත්, යුක්රේනයේ සහ කසකස්ථානයේ සිට සංචාරකයින් රැගත් යානා නියමිත පරිදි මෙරටට පැමිණෙන බව උප සභාපතිවරයා කියා සිටියා.
කොරෝනා වසංගතය වසංගත තත්ත්වය හමුවේ මෙරට සංචාරක කර්මාන්තය නංවාලීමේ නියමු ව්යාපෘතියක් ලෙස මෙය ක්රියාවට නැංවීමටයි රජය තීරණය කර ඇත්තේ.
Share This Article