රුධිර වර්ගය බලා කෑම කමුද?
Thursday, 24 December 2020 - 12:31 | Views - 1,708
අපේ උපතේදීම අපි සැවොම කිසියම් රුධිර වර්ගයකට හිමිකම් කියනවා. ඔබ කවුරුත් අසා ඇති හැටියට රුධිර වර්ග හඳුන්වාදී ඇත්තේ A, B, AB සහ O හැටියටයි. විශේෂඥයන්ගේ අදහස්වලට අනුව මේ සෑම රුධිර වර්ගයකටම එයටම අනන්‍ය වූ විශේෂ ලක්ෂණයන් තිබෙනවා. රුධිර වර්ගය සහ රෝග ගැන සැලකුවොත් මිනිසාට වැළඳෙන ඕනෑම රෝගී තත්ත්වයක් මේ රුධිර වර්ග හතරම හිමි ඕනෑම අයකුට වැළඳෙන්නට පුළුවන්. එම නිසා ඔබට වැළඳෙන රෝග පිළිබඳව නිසි අවධානයකින් ඉඳලා මේ රෝග සුවකර ගන්න එක ඔබේම වැඩක්. ඒ හැර රුධිර වර්ගය හා සම්බන්ධ අපූරු කරුණු කිහිපයක් තමා මේ. එයින් ප්‍රධාන කාරණාවක් තමා රුධිර වර්ගයට ඔබින අහාර ගැන ඉදිරිපත්ව ඇති මතය. පීටර් ඩි ඇඩමෝ, කියන පෝෂණවේදියා පරිණාමය පාදක කරගනිමින් ඉදිරිපත් කළ මේ අදහස ඉතාමත් ආන්දෝලනාත්මකයි.        

රුධිර වර්ගය සහ පෝෂණය

ඔබේ රුධිර වර්ගය කුමක්ද කියන එක ඔබ දැනගත් පසු ඔබේ සෞඛ්‍යයට වාසි වන ආහාර මොනවාද කියන එක ඔබට තීරණය කිරීම ඉතාමත් පහසු ක්‍රියාවක්. ඒ වගේම ඔබ විසින් වැළකී සිටිය යුතු ආහාර වර්ග තීරණය කිරීමත් වඩාත් පහසු වනවා. එළවළු කන්න සුදුසු කාටද? මස් කන්න සුදුසු කාටද? මේ වගේ අපේ පෝෂණයේ අපි නොසිතන පැත්තක් මේ රුධිර වර්ගය මගින් හෙළිදරව් කර ගන්නට හැකියි. පිටර් ඩි ඇඩමෝ, කියන හැටියට අාහාර සහ රුධිර වර්ගය අතර සම්බන්ධය මෙබඳුයි.

A වර්ගයේ රුධිරය හිමි පුද්ගලයන් එළවළු වර්ග වැඩි වශයෙන් ආහාරයට ගැනීම ඉතාමත් ගුණදායක වනවා.

O වර්ගයේ රුධිරය ප්‍රාථමික රුධිරය හැටියටයි දක්වන්නේ. එය හිමි පුද්ගලයන් ප්‍රෝටීන් බහුල ආහාර වන මස් සහ මාළු වැඩි වශයෙන් ආහාරයට ගැනීම වඩාත් සුදුසු වනවා. ඔවුන්ට ප්‍රෝටීන් හොඳින් ජීර්ණය කළ හැකියි.

AB වර්ගයේ රුධිරය හිමි පුද්ගලයන් මේදය අඩු මස් වර්ග සහ මුහුදු ආහාර කෙරෙහි වැඩි ඇල්මක් දක්වනවා නම් එය වඩාත් සුදුසු වනවා. රතු මස් ආහාරයට ගතයුතු වන්නේ B වර්ගයේ රුධිරය හිමි පුද්ගලයන් බවයි හෙළි වී ඇත්තේ.
ආහාර සම්බන්ධ මේ විශේෂත්වය හැරුණු විට රුධිර වර්ග තුළ දක්නට ලැබෙන තවත් ලක්ෂණ කිහිපයකි මේ.

රුධිර වර්ගය සහ මානසික ආතතිය

O වර්ගයේ රුධිරය හිමි පුද්ගලයන්ට මානසික ආතතිය වැඩි කරවන තත්ත්වයකින් පසුව අනෙක් පුද්ගලයන්ට වඩා සන්සුන් වීමට වැඩි කාලයක් ගත වනවා.

රුධිර වර්ගය සහ ශරීරයේ බරෙහි ඇති වෙන ගැටලු

ශරීරයේ සිදුවන බරෙහි යම් වෙනස් කම්වලටත් රුධිර වර්ගය බලපානවා. O වර්ගයේ රුධිරය හිමි වැඩි පිරිසකගේ ඉදිරියට නෙරා ආ උදරයක් දැකගන්නට පුළුවන්. ශරීරයේ බරෙහි ඇති වෙන මෙවන් ගැටලුවලට මුහුණ නොදෙන පුද්ගලයන් විදිහට A වර්ගයේ රුධිරය හිමි පුද්ගලයන් නම් කරන්නට පුළුවන්.

රුධිර වර්ගය සහ ගර්භනීභාවය

AB වර්ගය හිමි කාන්තාවන්ගේ “follicle-stimulating” හෝමෝනය නිපදවීම අඩු නිසා අනෙත් කාන්තාවන්ට වඩා ඉක්මනින් ගැබිනියක් වීමේ හැකියාව තිබෙනවා.

රුධිර වර්ගය සහ හදිසි අවස්ථා

හදිසි අවස්ථාවක රුධිර පාරවිලයනයක් (එක් අයකුගේ රුධිරය තවත් අයකුගේ ශරීරයට ඇතුළත් කිරීම) සිදුකිරීමට අවශ්‍ය වූ විට මතකයෙහි තබාගත යුතු ඉතා වැදගත් දෙයක් තිබෙනවා. ඒ, O වර්ගයේ RH අගය සෘණ වන පුද්ගලයන්ට ඕනෑම රුධිරයක් හිමි පුද්ගලයෙකුට රුධිරය ලබාදීමටත් AB වර්ගයේ රුධිරය හිමි පුද්ගලයන්ට ඕනෑම රුධිර වර්ගයක් ලබා ගැනීමටත් හැකි වීමයි.

 සුගත්
දේශය
Share This Article
Hiru Tv Blog
දරු පැටියා පාසල් යන්න බෑ කියනවද? පෙර පාසල්...
Hiru Tv Blog
Thursday, 24 December 2020 - 12:31
Hiru Tv Blog 1,709 Views
අපේ උපතේදීම අපි සැවොම කිසියම් රුධිර වර්ගයකට...
Hiru Tv Blog
Monday, 21 December 2020 - 14:38
Hiru Tv Blog 1,670 Views
කොවිඩ් 19 හමුවේ දේශීය ඖෂධ භාවිත කිරීම සහ...
Hiru Tv Blog
අධික සීනි නැති, අධික ලූණු නැති, අධික තෙල්...
Hiru Tv Blog
Tuesday, 17 November 2020 - 10:17
Hiru Tv Blog 7,714 Views
බොහෝ දෙනා කස කසා ඇට යොදාගනු ලබන්නේ ආහාර...
Hiru Tv Blog
සිංහල සිනමාවේ අසහාය ගායන ශිල්පී එච්.ආර්. ජෝතිපාලයන්ගේ අසූ පස් වැනි ජන්ම දිනය...
Hiru Tv Blog
පෙබරවාරි 14 වන දා කාගේත් කථා බහට ලක්වූ දිනයකි.එනම් එදින වැලන්ටයින් දිනය නැතිනම්...
Hiru Tv Blog
රොෂාන් රණවන කියන්නේ පුංචි තිරයේ වගේම රිදී තිරයෙනුත් ප්‍රේක්ෂකයන් අතරට ආපු...
Hiru Tv Blog
අන්තර්ජාලය ඔස්සේ මුදල් ගනුදෙනු කටයුතු සිදුකිරීමේදී, නියමිත ක්‍රමවේදයක් තිබේ....
Hiru Tv Blog
නියුරෝන මිලියන 100 කට වඩා වැඩි මොළයට සමාන ක්‍රියාකාරිත්වයක් සහිත පරිගණකයක් නිර්මාණය...
Hiru Tv Blog
මේ කොවිඩ්-19 කාලේ වැඩියෙන්ම ඇසෙන්නට ලැබෙන්නේ සමාජ දුරස්ථකරණය ගැනය. නමුත් කිසිම...
Top