මම කළුවරේ කවුද ඔතන කියලා අහද්දී ළඟට එන්න එපා කියලා අම්මා කෑගැසුවා- කොරෝනා බියෙන් සිරුරට ගිනි තබාගෙන කතක් මරුට
Thursday, 24 December 2020 - 9:23 | Views - 485
‘‘වයසක අයට කොරෝනා බෝවීම වැඩි බව අම්මා ගුවන් විදුලි ප්‍රවෘත්ති මගින් නිතර අසා තිබෙනවා. ඇයටත් කොරෝනා වැළඳී අපේ දරුවන්ටත් හැදේවි යන බිය නිසා ඇය ගිනි තබාගෙන තිබෙනවා.’’ යැයි අංගොඩ උපාසකගේ මංජුල කැලූම් ගුණසේකර (50) යන අය සාක්‍ෂි දෙමින් පවසා තිබෙනවා.

වයෝවෘද්ධ කාන්තාවක් සිය සිරුරට ගිනි තබාගෙන සියදිවි නසාගැනීම සම්බන්ධයෙන් කොළඹ නාගරික හදිසි මරණ පරීක්‍ෂණ උසාවියේ පැවැති සාක්‍ෂි විභාගයේදී සාක්‍ෂි දුන් මියගිය අයගේ පුත්‍රයා එසේ කියා තිබෙනවා. මෙලෙස සියදිවි නසාගෙන ඇත්තේ වත්තල, හුණුපිටිය, වෙඩිකන්ද පාරේ පදිංචිව සිටි දේවගේ පේඩිගේ ලයිසා (73) නමැති පස්දරු මවක්. මේ සම්බන්ධ මරණ පරීක්‍ෂණය කොළඹ නාගරික අතිරේක හදිසි මරණ පරීක්‍ෂක ඉරේෂා දේශානි සමරවීර මහත්මිය හමුවේ පැවැති අතර, එහිදී තවදුරටත් සාක්‍ෂි දුන් සාක්‍ෂිකරු,

‘‘මියගොස් සිටින්නේ මගේ අම්මා. අම්මාට දරුවෝ පස්දෙනෙක් ඉන්නවා. අම්මා හිටියේ මං ගාවයි. මගේ ගෙදර බිරිඳ සහ දරුවෝ දෙන්නා සිටිනවා. අම්මා නිතරම ගුවන් විදුලියේ ප්‍රවෘත්ති අහනවා. එයා නිතරම ඒ ප්‍රවෘත්ති අහල ඇඟ රිදෙනවා කියනවා. එදා රාත්‍රී 9.00 ට විතර මම කාමරයේ සිටින විට ජනේලයෙන් දැක්කා ඡායාවක් යනවා වගේ. පසුව මා එළියට ගොස් බැලූවා. එහිදී අඩි 20 ක් 30 ක් ඈතින් ඉටිපන්දමක් දල්වනවා මා දැක්කා. මම කළුවරේ කවුද ඔතන කියලා අහනවිට ඇය ළඟට එන්න එපා කියලා අම්මා කෑගැසුවා. මට ඇති වූ සැකය නිසා මම එතැනට ළංවෙනකොට ගිනි තියා ගත්තා. මම එම ගින්න නිවන්නට උත්සාහ ගනිද්දී මගේ අතත් පිච්චුණා.

කොළඹ සහකාර අධිකරණ වෛද්‍ය නිලධාරි ශෂන්ත්‍රි වසනාත් මහත්මිය විසින් මියගිය අයගේ පශ්චාත් මරණ පරීක්‍ෂණය පැවැත්වූවාය. එහිදී ඉදිරිපත් වූ සාක්‍ෂි සහ වෛද්‍ය වාර්තා සැලකිල්ලට ගත් කොළඹ නාගරික අතිරේක හදිසි මරණ පරීක්‍ෂිකා ඉරේෂා දේශානි සමරවීර මහත්මිය මෙම මරණය සිය ශරීරයට ගිනි තබාගෙන සිදුකර ගත් සියදිවි නසාගැනීමක් බවට නිගමනය කළා. ඇයට කොරෝනා වැළඳි නැතැයි ද මෙහිදී අනාවරණය වී තිබෙනවා.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top