හිටපු නියෝජ්ය අමාත්ය අබ්දුල්ලා මහරුෆ් CID අත්අඩංගුවට
Tuesday, 15 December 2020 - 11:06 | Views - 253
2015 - 2019 කාල සීමාවේ ලංකා සතොස ආයතනයේ වාහන අවභාවිත කිරීමේ සිද්ධියකට අදාළව සමස්ත ලංකා මහජන කොංග්රසය නියෝජනය කරන හිටපු නියෝජ්ය අමාත්ය අබ්දුල්ලා මහරුෆ් සහ මාතලේ ප්රදේශයේ පදිංචි ෆාරුක් මොහොමඩ් අස්ලාම් අත්අඩංගුවට ගෙන තිබෙනවා.
පොලිස් මාධ්ය ප්රකාශක නියෝජ්ය පොලිස්පති අජිත් රෝහණ කියා සිටියේ, අපරාධ පරීක්ෂණ දෙපාර්තමේන්තුවට ලද පැමිණිල්ලකට අනුව ඊයේ (14) රාත්රියේ මොවුන් අත්අඩංගුවට ගත් බවයි.
හිටපු නියෝජ්ය අමාත්යවරයා කින්නියා ප්රදේශයේදී ද අනෙක් සැකකරු මාතලේ ප්රදේශයේදී අත්අඩංගුවට ගත් බවයි පොලිස් මාධ්ය ප්රකාශක නියෝජ්ය පොලිස්පති අජිත් රෝහණ වැඩිදුරටත් සඳහන් කළේ.
Share This Article