පළාත් සභා මැතිවරණය කඩිනමින් පැවැත්වීමට අවශ්ය කටයුතු සිදුකරන්නැයි අගමැතිගෙන් උපදෙස්
Friday, 11 December 2020 - 16:35 | Views - 296
පැරණි හෝ නව ක්රමයට පළාත් සභා මැතිවරණය පැවැත්වීමට ඇති හැකියාව සම්බන්ධයෙන් සොයා බලන ලෙස අග්රාමාත්ය මහින්ද රාජපක්ෂ මැතිවරණ කොමිසමේ සාමාජිකයින්ට උපදෙස් ලබාදී තිබෙනවා.
ඒ, එම කොමිසමට අලුතින් පත්වූ සාමාජිකයින් විජේරාමේ පිහිටි අග්රාමාත්ය නිළ නිවසේදී අග්රාමාත්යවරයා අද (11) හමුවූ අවස්ථාවේදියි.
මෙහිදී මැතිවරණ කොමිසමේ සාමාජිකයින් සඳහන් කර ඇත්තේ මැතිවරණ පැවැත්වීමේ ක්රමය වෙනස් කිරීමට අවශ්ය නීතිමය ප්රතිපාදන අමාත්යාංශ මට්ටමින් සිදුකළ යුතු බවයි.
ඒ හේතුවෙන් පළාත් සභා මැතිවරණය පැරණි ක්රමය ඔස්සේ පවත්වා ඉදිරියේදී අවශ්ය නීති සම්පාදනය කිරීමෙන් අනතුරුව නව ක්රමය යටතේ මැතිවරණය පැවැත්වීමට කටයුතු කිරීම වඩා පහසු බව කොමිසමේ සාමාජිකයින් පෙන්වා දී තිබෙනවා.
Share This Article