ජාත්යන්තර පාපන්දු සම්මේලනය විසින් පවත්වනු ලබන වාර්ෂික සම්මාන උළෙලේ වසරේ පාපන්දු ක්රීඩකයාට හිමි සම්මානය සඳහා පෘතුගාලයේ ක්රිස්ටියානෝ රොනාල්ඩෝ, ආර්ජන්ටිනාවේ ලයනල් මෙසී සහ පෝලන්තයේ රොබට් ලෙවන්ඩොව්ස්කි අතර තුන් කොන් සටනක් නිර්මාණය වී තිබේ.
අදාළ සම්මානය විශේෂ විනිසුරු මඩුල්ලක් විසින් මෙන්ම හිටපු ක්රීඩකයන්, මාධ්යවේදීන් සහ රසිකයන්ගේ බහුතර කැමැත්ත මත තීරණය වේ.
ඒ වෙනුවෙන් ඡන්ද විමසීමක්ද සිදුවේ. මීට පෙර වසරවලදී වසරේ පාපන්දු ක්රීඩකයා සම්මානය ක්රිස්ටියානෝ රොනාල්ඩෝ සහ ලයනල් මෙසී අතර දෝලනය විය.
මෙම සම්මාන උළෙල ලබන 17 වැනිදා වීඩියෝ තාක්ෂණය ඔස්සේ සිදු කෙරෙන අතර පිරිමි මෙන්ම කාන්තා පාපන්දු ශූරියද තෝරා ගැනීමට නියමිතය.
කොරෝනා වසංගතය හමුවේ මේ වසරේදී ජාත්යන්තර පාපන්දු තරඟ බොහොමයක් අවලංගු වුවද ඉකුත් 2019 වසරේ දක්ෂතා සැලකිල්ලට ගනිමින් සම්මාන ලබාදෙනු ලබයි.
ලෝක පාපන්දු ක්රීඩාවේ ප්රබල තරු අතරට වසරේ සම්මානය වෙනුවෙන් නවකයන් වන සෙනගාලයේ සාඩියෝ මාන්, ප්රංශයේ කයිල්යාන් මප්පේ, බ්රසීලයේ නේමාර් සහ ස්පාඤ්ඤයේ සර්ගියෝ රාමෝස්ද ඇතුළත්ව ඇත.

