1982 පාපන්දු ලෝක කුසලානය දිනූ ඉතාලි කණ්ඩායම නියෝජනය කළ සුපිරි පාපන්දු ක්රීඩක පාවුලෝ රොසි මියගොස් තිබේ. එරට රූපවාහිනී නාලිකාවක් මගින් ඔහු ඊයේ (10 ) මියගිය බව ප්රකාශයට පත්කර තිබේ.
පාවුලෝ රොසි ඉතාලි ජාතික කණ්ඩායම වෙනුවෙන් තරඟ 48කදී ගෝල 20ක් රැස් කිරීමට සමත් වී තිබේ. ඊට අමතරව විසෙන්සා, පෙරුජියා, ජුවෙන්ටස්, මිලාන් සහ වොරෝනා යන කණ්ඩායම් නියෝජනය කරමින් ගෝල 100කට වඩා වාර්තා කිරීමට පාවුලෝ සමත් වී තිබේ.
1982 වසරේදී ඉතාලියට ලෝක කුසලාන පාපන්දු ශූරතාව ලබාදීමට පාවුලෝ දැක්වූ දස්කම් වෙනුවෙන් බැලන්ඩි ඕර් සම්මානය හිමි වූ අතර එම තරගාවලියේදී තරඟ 7කදී ගෝල 6ක් වාර්තා කිරීමට පාවුලෝ සමත් වී තිබේ.
දීර්ඝ කාලයක් අසනීපව සිටි පාවුලෝ මිය යන විට 64 වැනි වියේ පසුවිය.
කෙසේ වෙතත් පාවුලෝ රොසිගේ මරණයට හේතුව මෙතෙක් ප්රකාශයට පත් කර නොමැති බව විදෙස් මාධ්ය සඳහන් කර සිටී.


