මහමඟ අධික වේගයෙන් ගිය තවත් යතුරුපැදිකරුවන් විස්සක් අත්අඩංගුවට
Tuesday, 08 December 2020 - 14:00 | Views - 294
අධික වේගයකින් සහ විවිධ නළා භාවිත කරමින් යතුරුපැදි ධාවනය කළ පුද්ගලයින් 20 දෙනෙකු ඊයේ රාත්රියේ සිට දියත් කළ විශේෂ මෙහෙයුමකදී අත්අඩංගුවට ගෙන ඇති බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ ප්රකාශ කළා.
එමෙන්ම, එන්ජින් ධාරිතාව 450ට වැඩි යතුරුපැදි කිසිදු ආකාරයකින් ධාවනය සහ ලියාපදිංචි කළ නොහැකි බවත් එවැනි යතුරුපැදි විශේෂ අවස්ථාවන් හි පමණක් ධාවනය කිරීමට අවසර ලබාදෙන බවත් ඔහු වැඩිදුරටත් සඳහන් කළා.
පසුගියදා මොරටුව - එගොඩඋයන ප්රදේශයේදී කුඩා දැරියන් දෙදෙනෙකු ජීවිතක්ෂයට පත් කරමින් ගැබිණි මවකට බරපතල තුවාල සිදුවූ රිය අනතුර හේතුවෙනුයි මෙලෙස අධික වේගයෙන් සහ අපරික්ෂාකාරී ලෙස ධාවනය කරන යතුරුපැදිකරුවන් අත්අඩංගුවට ගැනීම සඳහා පොලීසිය මෙහෙයුම් ආරම්භ කරනු ලැබුවේ.
ඒ අනුව මිරිහාන පොලිස් වසමට අයත් කිඹුලාවල ප්රදේශයේදී පෙරේදා රාත්රියේ ද යතුරුපැදි තරඟයක් පැවැත්වීමට සූදානම් කර ඇති බවට ලද තොරතුරකට අනුව කළ වැටලීමකදී යතුරුපැදි 24ක් සමඟ තරුණයින් පිරිසක් පොලිස් භාරයට ගැනුනා.
Share This Article