මහ රැජින - පිලිප් කුමරු කොරෝනා මර්දන එන්නත් ප්‍රමුඛතා ලැයිස්තුවට
Monday, 07 December 2020 - 9:21 | Views - 320
බ්‍රිතාන්‍ය රජයේ මහ පරිමාණ එන්නත් වැඩසටහන සහ එන්නත් ලබාදීමේදී වැඩිහිටියන්ට ප්‍රමුඛත්වය දීම යටතේ එක්සත් රාජධානියේ දෙවැනි එළිසබෙත් මහ රැජින සහ පිලිප් කුමරු ද මුලින්ම එන්නත ලැබෙන පිරිස අතර සිටින බව   ‘ද ටයිම්ස්’ පුවත්පත වාර්තා කරයි.

රජ මාලිගයේ ආරංචි මාර්ග උපුටා දක්වමින් ‘ද ටයිම්ස්’ පුවත්පත ඒ බව වාර්තා කර තිබේ.

දෙවැනි එළිසබෙත් මහ රැජින සහ පිලිප් කුමරු ‘කොවිඩ්-19’ එන්නත ලබාගත් පසු ඒ බව මහජනතාවට දැනගැනීමට ඉඩ සලස්වන බව රජ මාලිගයේ ආරංචි මාර්ග උපුටා දක්වමින් ‘ද ටයිම්ස්’ පුවත්පත සඳහන් කරයි.

මහ රැජිනිය මේ වනවිට 94 වැනි වියේ පසුවන අතර පිලිප් කුමරු 99 වැනි පසුවෙයි.    

ඇමෙරිකාවේ ෆයිසර් සමාගම් සහ ජර්මනියේ බයෝඇන්ටෙක් යන සමාගම් දෙක එක්ව නිෂ්පාදනය කළ ‘කොවිඩ්-19’ එන්නත අගහරුවාදා (8) සිට බ්‍රිතාන්‍ය වැසියන්ට ලබාදීමට එරට රජය මේ වනවිට කටයුතු සූදානම් කරමින් සිටියි. ෆයිසර්/බයෝඇන්ටෙක් සමාගමේ ‘කොවිඩ්-19’ එන්නතට දෙසැම්බර් 2 වැනිදා බ්‍රිතාන්‍ය සෞඛ්‍ය අංශවල අනුමැතිය හිමිවිය.

‘කොවිඩ්-19’ හෙවත් නව කොරෝනා වයිරස ගෝලීය වසංගතයෙන් එක්සත් රාජධානියේ 60,000කට වැඩි පිරිසකට ජීවිත අහිමි වී තිබෙන අතර එරටින් වාර්තා වන වයිරස ආසාදිතයන්ගේ ගණන මිලියන 1.7 ඉක්මවයි.

රජ මාලිගයට ද නව කොරෝනා වයිරසයෙන් ගැලවීමට නොහැකි වූ අතර මහ රැජිනට පසු රජ කිරුළට හිමිකම් කියන රැජිනගේ වැඩිමහල් පුතු වන චාල්ස් කුමරු මෙන්ම චාල්ස් කුමරුගේ පුතු වන විලියම් කුමරුට ද වයිරසය ආසාදනය වූ මේ වසර මුලදී වාර්තා විය.

චාල්ස් කුමරු සහ ඔහුගේ සොහොයුරිය වන ඈන් කුමරියට පෝලීය එන්නත ලබාදුන් බව මහ රැජින 1957 වසරේදී ප්‍රසිද්ධියට පත් කළ බව ද ‘ද ටයිම්ස්’ පුවත්පත වාර්තා කර ඇත. චාල්ස් කුමරු ඒ වනවිට අටවන වියේ පසු වු අතර ඈන් කුමරිය හයවැනි වියේ පසුවූවාය.

එම අවධියේදී පෝලීයෝ එන්නත නව එන්නතක් වූ අතර චාල්ස් කුමරුට සහ ඈන් කුමරියට එන්නත ලබාදුන් බව ප්‍රසිද්ධියට පත් කිරීම ඒ සම්බන්ධයෙන් තිබූ බිය දුරු කිරීමට හේතුවක් වූ බව ද පැවසේ.

පෝලීයෝ එන්නත මුලින්ම එක්සත් රාජධානිය ලෙස තුළ ලබාදීම ආරම්භ කළේ 1956 වසරේ දී ය.

ලංකාදීප
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top