මහර බන්ධනාගාරයේ සිද්ධියේ අලාභය රුපියල් මිලියන 100ක්?
Monday, 07 December 2020 - 8:25 | Views - 306
මහර බන්ධනාගාරයේ ගැටුමත් සමඟ රැඳවියන් එහි ගොඩනැගිලි කිහිපයකට ගිනි තැබීම හේතුවෙන් රුපියල් මිලියන 100කට ආසන්න පාඩුවක් සිදුව ඇතැයි අපේක්ෂා කරන බව බන්ධනාගාර දෙපාර්තමේන්තුවේ උසස් නිලධාරියෙකු සඳහන් කළා.
අවශ්ය ලිපි ලේඛන රැසක් ද ගින්නෙන් විනාශ වී ඇති අතර ඒ සම්බන්ධයෙන් තත්සේරු වාර්තාවක් මේ වන විටත් සකස් කරමින් පවතිනවා. බන්ධනාගාර ගැටුමෙන් රැදවියන් 11 දෙනෙකු මියගිය අතර ඥාතීන් විසින් 08 දෙනෙකු මේ වනවිට හඳුනාගෙන තිබෙනවා.
මියගිය පිරිසෙන් 8 දෙනෙකුම කොවිඞ් ආසාදිතයින් බවට මීට පෙර තහවුරු වුණා. පොලිස් මාධ්ය ප්රකාශ නියෝජ්ය පොලිස්පති අජිත් රෝහණ කියා සිටියේ මෙම මළ සිරුරුවලට කුමක් කරන්නේ ද යන්න පිළිබදව විමසීම සඳහා අධිකරණයට යන බවයි.
එමෙන්ම, තවත් එක් රැදවියෙකු රාගම රෝහලේ දැඩි සත්කාර ඒකකයේ ප්රතිකාර ලබනවා.
මේ අතර, මෙම ගැටුම කඩාකප්පල්කාරී ක්රියාවක් බවට තොරතුරු වාර්තා වී ඇති හෙයින් ඒ සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරීන් 25 දෙනෙකුගෙන් සමන්විත කණ්ඩායමක් තවදුරටත් පරීක්ෂණ සිදු කරන බව පොලිස් මාධ්ය ප්රකාශක, නියෝජ්ය පොලිස්පති අජිත් රෝහණ ප්රකාශ කළා.
Share This Article