ගැටුම ගැන රහස් පොලීසිය 26කගෙන් ප්රකාශ ගනී
Thursday, 03 December 2020 - 14:04 | Views - 302
මහර බන්ධනාගාරයේ පසුගියදා ඇති වූ නොසන්සුන්කාරි සිද්ධිය සම්බන්ධයෙන් මේ වනවිට පුද්ගලයින් 26 දෙනෙකුගෙන් ප්රකාශ සටහන් කරගෙන ඇති බව පොලීසිය පවසනවා.
අපරාධ පරීක්ෂණ දෙපාර්තමේන්තුව විසින් මෙම ප්රකාශ සටහන් කර ගැනීම සිදුකළ බවයි පොලිස් මාධ්ය ප්රකාශක, නියෝජ්ය පොලිස්පති අජිත් රෝහණ ප්රකාශ කළේ.
මේ අතර එම සිද්ධියේදී තුවාල ලබා රාගම උතුරු කොළඹ ශික්ෂණ රෝහලේ ප්රතිකාර ලබමින් සිටියදී පලාගිය රැඳවියෙකු ඔරුගොඩවත්ත ප්රදේශයේදී බන්ධනාගාර බුද්ධි අංශය විසින් අත්අඩංගුවට ගෙන තිබෙනවා.
මෙම පුද්ගලයා ඊයේ රාත්රියේ 9 ට පමණ රෝහලෙන් පලාගොස් තිබූ බවයි බන්ධනාගාර කොමසාරිස් ජනරාල් තුෂාර උපුල්දෙණිය ප්රකාශ කළේ.
පසුගිය සෙනසුරාදා රාත්රියේ ඇතිවූ අදාළ සිද්ධියේදී රැඳවියන් 11 දෙනෙකු මියගිය අතර, තවත් 106 දෙනෙකු සහ බන්ධනාගාර නිලධාරීන් දෙදෙනෙකු තුවාල ලැබුවා.
Share This Article