බි්රතාන්යයේ දෙවැනි එලිසබත් රැජිනගේ සේවකයා ස්ටර්ලින් පවුම් ලක්ෂයක් වටිනා රන් පදක්කම් සහ වෙනත් භාණ්ඩ සොරාගෙන ඇත.
ආඩවෝ කැන්ටෝ නමැති මෙම සේවකයා භාණ්ඩ 77 ක් සොරාගෙන ඇති බව පිළිගෙන තිබේ.
මෙලෙස සොරා ගත් භාණ්ඩ අතර විලියම් කුමරු සහ කේට් මිඞ්ල්ටන් අත්සන් කළ ඡායාරූප ද වේ.
හිටපු නාවික නිලධාරියකු වූ ආඩටෝ මෙම භාණ්ඩ සොරා ගෙන ඇත්තේ බකිංහැම් මාලිගයෙනි.
පස් වසරක් තිස්සේ බකිංහැම් මාලිගයේ සේවය කළ ආඩටෝ මෙම භාණ්ඩ සොරාගෙන ඇත්තේ කොරෝනා වසංගතය මැද ලන්ඩන් නුවර සහ බකිංහැම් මාලිගය වසා තිබෙන අවස්ථාවේදී බව හෙළි වී ඇත.
මොහු සොරා ගත් භාණ්ඩවලින් 37 ක් ඔහු වෙන්දේසිවලට ඉදිරිපත් කර තිබේ.