හෙට අලුයම 5 සිට හුදෙකලා කෙරෙන සහ හුදෙකලා බව ඉවත් කරන ප්රදේශ මෙන්න
Sunday, 29 November 2020 - 10:17 | Views - 1,751
දැනට හුදෙකලා කර ඇති කොළඹ සහ ගම්පහ දිස්ත්රික්කවල පොලිස් බල ප්රදේශ කිහිපයක් හෙට අලුයම පහේ සිට හුදෙකලා බවින් ඉවත් කිරීමට කටයුතු කරන බව කොවිඩ් 19 පැතිරීම වැළැක්වීමේ ජාතික ක්රියාන්විත මධ්යස්ථානයේ ප්රධානී, යුද හමුදාපති ලුතිනන් ජෙනරාල් ශවේන්ද්ර සිල්වා ප්රකාශ කළා.ඒ අනුව කොළඹ දිස්ත්රික්කයේ වෙරළබඩ සහ පිටකොටුව පොලිස් බල ප්රදේශවල හුදෙකලා තත්ත්වය ඉවත් කරන අතර, ෆර්ගියුසන් පාර හැර මට්ටක්කුලිය පොලිස් බල ප්රදේශයේ සෙසු ප්රදේශ ද හුදෙකලා බවින් ඉවත් කිරීමට කටයුතු කරන බවයි යුද හමුදාපතිවරයා සඳහන් කළේ.එමෙන්ම, ගම්පහ දිස්ත්රික්කයේ රාගම සහ මීගමුව පොලිස් බල ප්රදේශවලද හෙට අලුයම පහේ සිට හුදෙකලා බව ඉවත් කෙරෙනු ඇති.කෙසේ වෙතත්, වැල්ලම්පිටිය පොලිස් වසමේ ලක්සඳ සෙවණ නිවාස යෝජනා ක්රමය, සාලමුල්ල සහ විජයපුර යන ග්රාමසේවා වසම් හෙට උදෑසන පහේ සිට හුදෙකලා කිරීමට නියමිතයි.එමෙන්ම, මට්ටක්කුලිය පොලිස් වසමේ රන්දිය උයන නිවාස යෝජනා ක්රමය සහ ෆර්ගියුසන් පාරේ දකුණු ප්රදේශයද හුදෙකලා කර තිබෙනවා.වැඩිදුර තොරතුරු ඇතුලත් අදාළ සම්පූර්ණ නිවේදනය පහතින්.
Share This Article