පී.සී.ආර්. පරීක්ෂණ මඟහරින්නන්ට අපරාධ නීතිය යටතේ නඩු
Thursday, 26 November 2020 - 14:04 | Views - 251
කොළඹ දිස්ත්රික්කයෙන් ඊයේ දිනයේ ආසාදිතයින් 262 කු වාර්තා වී තිබෙනවා.
කොවිඞ් නයින්ටීන් පැතිරීම වැළැක්වීමේ ජාතික ක්රියාන්විත මධ්යස්ථානය සඳහන් කළේ මට්ටක්කුලිය සහ අලුත්කඬේ ප්රදේශවලින් පමණක් ආසාදිතයන් 42 කු බැගින් සොයාගෙන ඇති බවයි.
ග්රෑන්ඞ්පාස් ප්රදේශයෙන් ද ආසාදිතයින් 39 දෙනෙකු හඳුනාගෙන ඇති අතර කොම්පඤ්ඤවීදිය ප්රදේශයෙන් ඊයේ වාර්තා වී ඇති ආසාදිතයින් සංඛ්යාව 31ක්. කිරුළපණ ප්රදේශයෙන් ආසාදිතයින් 28 දෙනෙකුත්, වැල්ලවත්තෙන් 23 දෙනෙකුත් සොයාගැනුනා.
ගම්පහ දිස්ත්රික්කයෙන් ද ඊයේ දිනයේ ආසාදිතයින් 90 දෙනෙකු වාර්තා වී ඇති අතර, කටුනායකින් 33 දෙනෙකු සහ වත්තලින් වාර්තා වන ආසාදිතයින් 28 දෙනෙකු ද ඊට අයත්.
කළුතර දිස්ත්රික්කයෙන් ද ඊයේ ආසාදිතයන් 46 දෙනෙකු වාර්තා වී ඇති අතර, ඉන් 38 දෙනෙකුම හඳුනාගෙන ඇත්තේ බණ්ඩාරගම ප්රදේශයෙන්. පුත්තලම දිස්ත්රික්කයෙන් ද ඊයේ ආසාදිතයන් 15 දෙනෙකු වාර්තා වී තිබෙනවා.
මේ අතර, ඊයේ දිනයේත් පොලීසියේ ආසාදිතයින් 42 නෙකු අලුතින් හඳුනා ගැනීමත් සමඟ කොරෝනා ආසාදිත පොලිස් නිලධාරීන්ගේ සංඛ්යාව මේ වන විට 1123 දක්වා ඉහළ ගොස් තිබෙනවා.
Share This Article