ජපානයෙන් පන්නාගෙන ආ තරුණියයි ලාංකික පෙම්වතයි අල්ලයි- බුරුකාවක් ඇඳන් මාතෘ සායනයටත් ඇවිත්
Thursday, 26 November 2020 - 8:14 | Views - 29,478

මාස 7ක් තිස්සේ පොලිසියට කට්ටි පනිමින් ජපන් ජාතික පහළොස් හැවිරිදි තරුණියක අපහරණයට ලක්කර පැහැරගෙන ලංකාවට පැමිණි බව කියන ඇයගේ ශ්රී ලාංකික පෙම්වතා සහ එකි ජපන් තරුණිය ඊයේ (25) හවස කොච්චිකඩේ පොලිසිය විසින් සොයාගනු ලැබීය.
මාරවිල , මුදුන්කොටුව ප්ර දේශයේ පදිංචි ශ්රී ලාංකික පෙම්වතාගේ ඥාති සොහොයුරියකගේ නිවසෙක සැඟව සිටියදී ඔවුන් සොයා ගත් අතර මේවන විට තරුණිය සිවුමස් ගැබිණියකි.
තම දියණිය ජපානයේ සිට ශ්රී ලාංකික තරුණයකු විසින් පැහැරගෙන පැමිණි බවට ජපන් ජාතික ළාබාල තරුණියගේ මව 2020 මාර්තු මස කොච්චිකඩේ පොලිසියට පැමිණිල්ලක් ඉදිරිපත් කර තිබිණි. ඇය පොලිසියට පවසා ඇත්තේ තම දියණිය සතු ලක්ෂ 10කට ආසන්න මුදලක්ද සමඟ ශ්රී ලාංකික තරුණයා තම දියණිය ජපානයේ සිය පැහැරගෙන ඇති බවයි.
සැකකාර යුවළ කොච්චිකඩේ පොලිසියට ගෙනැවිත් ප්රශ්න කළේ සැකකාර පෙම්වතාගේ දෑතට පමණක් මාංචු දමා තිබියදීය. ජපන් තරුණිය ඔහුගෙන් මොහොතකටවත් ඉවත්වීමට අකමැත්ත පළ කර ඇත.
මාර්තු මස මෙරටට පැමිණි මෙම යුවල නාවලිපිටිය, ත්රිකුණාමල හා මිනුවන්ගොඩ ප්රදේශවලත් සැඟව සිට ඇත. ඇය ගැබිණියක් බව දැන ගැනීඹත් සමඟ ජපන් තරුණිය මාතෘ සායනය සඳහා කොළඹ පිහිටි පෞද්ගලික රෝහලක් වෙත ගෙන ගොස් ඇත්තේ කාටත් ඇය ජපන් තරුණියක් සේ නොහැඟෙන පරිදි බුරුකාවක් පැලදි මුස්ලිම් තරුණියකගේ ආකාරයකටය.
උපුටා ගැනීම මව්බිම පුවත්පතෙනි.....
Share This Article