අංගොඩ ලොක්කාගේ උකුස්සාට හිමි වුණු තැන
Wednesday, 25 November 2020 - 15:52 | Views - 944
සංවිධානාත්මක අපරාධකරුවෙකු මෙන් ම කුප්‍රකට මත්ද්‍රව්‍ය ජාවාරම්කරුවෙකු වන 'අංගොඩ ලොක්කා' නමැත්තාගේ මත්ද්‍රව්‍ය බෙදා හැරීමේ ජාවාරමට යොදා ගත් බව පැවසෙන උකුස්සා දෙහිවල ජාතික සත්ත්වෝද්‍යානයේ එළිමහන් ප්‍රදර්ශන කුටියකට යොමු කිරීමට එහි බලධාරීන් පියවර ගෙන තිබේ.

ඒ අනුව, එම උකුස්සා දෙහිවල සත්ත්වෝද්‍යානයේ අනිකුත් උකුස්සන් සමග මහජන ප්‍රදර්ශනය සඳහා තබනු ඇත.

රට තුළ පවතින වසංගත තත්ත්වය හේතුවෙන් මේ වන විට දෙහිවල සත්ත්වෝද්‍යානය මහජනතාව සඳහා විවෘත කර නොමැති බැවින් එය විවෘත කළ පසු මෙම උකුස්සා දැක බලාගැනීමට මහජනතාවට අවස්ථාව හිමිවේ.

කෙසේවෙතත්, තවදුරටත් මෙම උකුස්සා වෛද්‍ය අධීක්ෂණය යටතේ තබන බව දෙහිවල සත්ත්වෝද්‍යානයේ නිලධාරියෙකු 'මව්බිම'ට පැවසීය.

එමෙන් ම, මෙම උකුස්සා අධිකරණයේ තවමත් විභාග වෙමින් පවතින මත්ද්‍රව්‍ය චෝදනා සම්බන්ධ නඩු කටයුත්තේ නඩු භාණ්ඩයක් ලෙස ද පවතිනු ඇත.

මීගොඩ, නාවලමුල්ල ප්‍රදේශයේ සිරකර සිටියදී අතුරුගිරිය පොලිසිය මෙම උකුස්සා සොයා ගනු ලැබූ අතර පසුව එම උකුස්සා හෝමාගම අධිකරණයට ඉදිරිපත් කළේය.

එහිදී උකුස්සා නඩු භාණ්ඩයක් ලෙස දෙහිවල ජාතික සත්ත්වෝද්‍යානයට භාර දී පරීක්ෂා කර වාර්තාවක් ලබාදෙන ලෙස හෝමාගම මහෙස්ත්‍රාත් අධිකරණය නියෝග කර තිබිණි.

'කුස ඇලි මුහුදු උකුස්සා' නමින් හඳුන්වන මෙම උකුසු විශේෂයට කිලෝග්‍රෑම් 15ක පමණ බරක් ඔසවාගෙන යාමට හැකියාවක් ඇතැයි සැළකේ.

වනජීවි නිලධාරීන් පවසන්නේ මෙම වර්ගයේ උකුස්සන් විධානයන් අනුව කටයුතු කිරීම සඳහා පුහුණු කළ හැකි බවය.

උපුටාගැනීම- මව්බිම
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top