සහෝදරයින් දෙදෙනෙකු වතුර වලකට බිලිවෙයි
Monday, 23 November 2020 - 7:18 | Views - 278
යාපනයේ කයිට්ස් මණ්ඩතීව් ප්රදේශයේ කුඹුරක තිබූ වතුර වළකට ඇද වැටීමෙන් එකම පවුලේ සහෝදරයන් දෙදෙනකු 21 වැනිදා සවස මියගොස් තිබේ.
මෙසේ මියගොස් ඇත්තේ වයස අවුරුදු 7ක එම්. සවීන්දන් හා වයස අවුරුදු 5 ක එම්. ශාර්වින් නමැති සහෝදරයන් දෙදෙනාය.
නියං කාලයට ජලය ලබා ගැනීම සඳහා කුඹුරේ තනන ලද මෙම වළට පසුගිය දිනවල ජලය පිරී තිබී ඇති අතර ළමයින් දෙදෙනා සෙල්ලම් කරමින් සිටිය දී එම වළට වැටී තිබේ.
පසුව මෙම දරුවන් දෙදෙනා යාපනය ශික්ෂණ රෝහල වෙත රැගෙන එන ලද නමුත් ඒ වන විට දරුවන් දෙදෙනාම මියගොස් සිට ඇත.
යාපනය කයිට්ස් පොලිසිය සිද්ධිය පිළිබඳව පරීක්ෂණ පවත්වා ගෙන යයි.
දිනසේන රතුගමගේ
Share This Article