15,000 ඉක්මවූ බ්‍රැන්ඩික්ස් සහ පෑලියගොඩ කොරෝනා පොකුර
Friday, 20 November 2020 - 10:35 | Views - 426

ඊයේ දිනයේත් මෙරටින් කොරෝනා ආසාදිත මරණ 04 ක් වාර්තා වුණා.

කොළඹ 10 ප්‍රදේශයේ පදිංචි අවුරුදු 70 ක පුද්ගලයෙකු කොළඹ පෞද්ගලික රෝහලකට ඇතුළත් කිරීමෙන් පසු මියගියා.

ඔහු කොරෝනා ආසාදනය වීමත් සමඟ ඇති වූ නියුමෝනියා තත්ත්වය හේතුවෙන් මෙලෙස මියගොස් ඇති බවයි සෞඛ්‍ය සේවා අධ්‍යක්ෂ ජනරාල්වරයා උපුටා දක්වමින් රජයේ ප්‍රවෘත්ති දෙපාර්තමේන්තුව සඳහන් කළේ.

එමෙන්ම, කොරෝනා ආසාදනය වීමත් සමඟ ඇති වූ අක්මා රෝගී තත්ත්වය හේතුවෙන් කොළඹ 15 ප්‍රදේශයේ පදිංචි 27 හැවිරිදි කාන්තාවක්ද ඊයේ මියගියා.

මීට අමතරව කළුතර දිස්ත්‍රික්කයෙන්ද කොරෝනා ආසාදිත මරණ දෙකක් වාර්තා වී ඇති අතර, ඉන් එක් අයෙකු 86 හැවිරිදි කළුතර - හල්තොට ප්‍රදේශයේ පදිංචිකරුවෙක්. ඔහු කොරෝනා ආසාදනය වීම හේතුවෙන් ඇති වූ පපුවේ ආසාදනයක් හේතුවෙන් මියගිය බව සඳහන්.

අනෙක් කාන්තාව හොරණ - පොකුණුවිට ප්‍රදේශයේ පදිංචි අතර 59 හැවිරිදි ඇය නිවසේදී මියගොස් ඇත්තේ කොරෝනා ආසාදනය වීමත් සමඟ ඇති වූ පපුවේ ආසාදනය සහ අධික රුධිර පීඩනය හේතුවෙන්.

එසේම, නව අසාදිතයින් 437 දෙනෙකු ඊයේ හඳුනා ගැනීමත් සමඟ මෙරට මුළු ආසාදිතයින් සංඛ්‍යාව 18,841 දක්වා ඉහළ ගියා.

ඒ අනුව මිනුවන්ගොඩ බ්‍රැන්ඩික්ස් සහ පෑලියගොඩ මත්ස්‍ය වෙළඳපොල ආශ්‍රිත කොරෝනා පොකුරෙන් වාර්තා වන ආසාදිතයින්ගේ සංඛ්‍යාව 15,330 ක්.

ඊයේ ආසාදිතයින් 316 ක් සුවය ලබා පිටව යාමත් සමඟ සුවය ලැබූ මුළු සංඛ්‍යාව 12,903 ක් ලෙස සටහන් වනවා. රෝහල්ගතව තවදුරටත් ප්‍රතිකාර ලබන ආසාදිතයින් සංඛ්‍යාව 5,865 ක්.

මේ අතර, මේ වනවිට දෛනිකව වැඩිම ආසාදිතයින් සංඛ්‍යාවක් වාර්තා වන කොළඹ මහ නගර සභා සීමාවේ හුදෙකලා කර ඇති ප්‍රදේශවල සිටින ජනතාව වෙනුවෙන් අද සිට විශේෂ ගිලන් රථ සේවාවක් හා විශේෂඥ වෛද්‍ය සේවාවක් ආරම්භ කරන බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන ප්‍රකාශ කළා.  

ගම්පහ දිස්ත්‍රික්කයෙන් ඊයේ පස්වරු 4 න් අවසන් ගෙවුණු පැය 24 තුළ කොරෝනා ආසාදිත රෝගීන් 93 දෙනෙකු හඳුනාගෙන තිබෙනවා. ඒ අනුව මේ වනවිට ගම්පහ දිස්ත්‍රික්කයෙන් හදුනා ගෙන ඇති මුළු කොරෝනා ආසාදිත රෝගීන් සංඛ්‍යාව 4,731 ක්. මෙම පිරිස හඳුනා ගැනීම සදහා පී.සී.ආර්. පරීක්ෂණ 68,040 ක් සිදු කර ඇති බවයි එහි දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ වෛද්‍ය මිගාර ඈපා ප්‍රකාශ කළේ.

මේ අතර, සේවකයින් පිරිසකට කොවිඞ් 19 ආසාදනය වීමත් සමඟ අඩාල වූ කොළඹ වරායේ කටයුතු මේ වනවිට යථා තත්ත්වයට පත් කර අවසන් බව වරාය හා නාවික අමාත්‍ය රෝහිත අබේගුණවර්ධන ප්‍රකාශ කළා. කොළඹ වරායේ කටයුතු නිරීක්ෂණය කිරීම සඳහා වරාය හා නාවික අමාත්‍ය රෝහිත අබේගුණවර්ධන ඊයේ කොළඹ වරායේ  සංචාරයක නිරත වුණා.  

මේ අතර, හෝමාගම මූලික රෝහල ඊයේ සිට කොවිඞ් 19 රෝගීන් සඳහා පමණක් ප්‍රතිකාර කරන රෝහලක් බවට යළි පරිවර්තනය කරනු ලැබුවා. ඒ අනුව එහි රෝගීන් 200 කට පමණ ප්‍රතිකාර කළ හැකි වනවා.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top