කොළඹ පුරපතිනියගේ ඉල්ලීම
Friday, 20 November 2020 - 7:28 | Views - 604
කොළඹ මහ නගරසභා සීමාව සඳහා පනවා ඇති සංචරණ සීමාවන් ප්රමාණවත් නොවන බව කොළඹ මහානගර සභාවේ නගරාධිපතිනී රෝසි සේනානායක මහත්මිය ඊයේ යළි අවධාරණය කළා.
ඒ කොළඹ මහනගර සභාවේදී ප්රවෘත්ති සාකච්ඡාවක් පවත්වමින්.
කොළඹ මහ නගර සභා බල ප්රදේශයෙන් පෙරේදා දිනයේ නව කොවිඩ් 19 අසාදිතයින් 112 දෙනෙකු හඳුනා ගෙන ඇති අතර මේ දක්වා එම බල ප්රදේශයෙන් හඳුනා ගෙන ඇති සමස්ත ආසාදිතයන් සංඛ්යාව 4836ක්.
මෙම තත්ත්වය සැලකිල්ලට ගෙන කොළඹ මහ නගරසභා බල ප්රදේශයට අයත් පොලිස් බල ප්රදේශ කිහිපයක් මේ වනවිටත් හුදෙකලා කර තිබෙනවා.
කොළඹ මහානගර සභා සීමාවෙන් වාර්තා වන ආසාදිතයින් හා මරණ සංඛ්යාව දිනෙන් දින ඉහළ යාමත් සමඟ කොළඹ මහා නගර සභාවේ නගරාධිපතිනී රෝසි සේනානායක මහත්මිය පසුගිය 16 වනදා සිය පාලන සීමාව සඳහා දැඩි සංචරණ සීමාවන් පනවන ලෙස ඉල්ලා සිටියා.
ඇය ඊයේ දිනයේත් ප්රවෘත්ති සාකච්ඡාවක් පවත්වමින් යළි එම ඉල්ලීමම සිදු කළා.
Share This Article